रामेछाप । नेपाली कांग्रेसका रामेछापका पार्टि सभापति पूर्ण बहादुर तामाङ (कान्छाराम) ले आगामी बैशाख ३० गते हुने स्थानीयतहको निर्वाचनमा एक पटक नेपाली कांग्रेस लाई भोट दिएर हेर्न आग्रह गरेका छन् । बिहीवार मन्थली नगरपालिकाको वडा नं ७ भटौलीमा आयोजना गरिएको बृहत चुनावी सभामा बोल्दै एक पटक नेपाली कांग्रसलाई भोट दिएर हेर्न आग्रह गरेका हुन । सभापती कान्छारामले एक पटक नेपाली कांग्रसलाई भोट दिए आफु गाउँलाई नमुना बनाई दिने बताएका छन् । यस पटकवडा देखि पालिका सम्म कांग्रेसले जितेको खण्डमा हरेक वडाका बिकास निर्माणका काम प्रभाबकारी ढंगवाट गर्ने बताएका छन् ।
मन्थली नगरपालिका–७ भटौलीमा नेपाली कांग्रेसले आयोजना गरेको चुनावी सभामा राष्ट्रिय प्रजातन्त्र पार्टी नेपालका वडा अध्यक्षका उम्मेद्वार मनुकुमार माझी सहित २ सय ५० जना नेपाली कांग्रेसमा प्रबेश गरेका थिए । नव प्रबेसीलाई नेपाली कांग्रेसका जिल्ला सभापती पुर्णबहादुर तामाङ्ग (कान्छाराम)ले खादा लगाएर पार्टी प्रबेश गराएका छन् ।
कार्यक्रमका अबसरमा बोल्दै तामाङले यस अघि नेपाली कांग्रसले यस वडा र नगरपालिकामा पराजय भोगेपनि कांग्रेस पार्टिले जनताको माझमा बोलेको कुरा पुरा गरेको तर कम्यिुनिष्टले जितेको भएपनि बोलेको बाचा कहिलै पुरा गर्न नसकेको भन्दै कांग्रेस र कम्युनिष्टमा निक्कै फरक भएको बताए ।
कायक्रममा निर्वाचन परिचालन समितिका संयोजक युवराज भट्टराई सह संयोजक कुमार श्रेष्ठ, महाधिबेशन प्रतिनिधि शुक्र माझी, प्रदेश अधिबेशन प्रतिनिधि निर्माण माझी नगर प्रमुखका उमेद्वार बिनोद कुमार कार्की उप प्रमुख की उमेद्वार यशोदा श्रेष्ठ वडा अध्यक्षका उमेद्वार भुवनहरी प्रसाई स्थानीय नबिन्द्र गोले, पूर्ण तामाङ लगाएतले आ आफ्नो मन्तब्य राख्दै यस पटक वडा र नगरमा कांग्रेसलाई जिताइदिएमा ५ वर्षभित्र आफुहरुले बोलेको कुरा सबै पुरा गर्ने प्रतिवद्धता जनाएका थिए ।
