रामेछाप । नेपाली कांग्रेसको १४ औं महाधिवेशनमा केन्द्रिय सदस्यमा रत्न बहादुर कार्कीले उमेरद्वारी दिने घोषणा गरेको छ । रामेछापका नेपाली कांग्रेसका युवा नेता रत्न बहादुर कार्कीले केन्द्रीय सदस्यमा (खस आर्य) बाट आफुले उम्मेदवारी दिने घोषणा गरेका हुन् । कार्की नेपाली कांग्रेको तर्फबाट २०७४ सालमा भएको निर्वाचनमा रामेछापको प्रदेशसभा–क बाट बागमती प्रदेशका उमेरद्वार हुन् । नेकपा एमाले र नेकपा माओबादी केन्द्रको गठबन्धन भएको कारण उनले नेकपा एमालेका नेता शान्ती प्रर्साद पौडेल संग हार ब्यहोर्न पर्यो ।

कार्कीले मेरो प्रदेश डट.कम संग कुरा गर्दै भने– ’नेपाली काङ्ग्रेसलाई वैचारिक, सैध्दान्तिक रुपमा सुदृढीकरण गर्दै आम नेपालीको आस्था, विश्वास तथा भरोसाको विशाल पार्टी निर्माण गर्ने प्रमुख लक्ष्यकासाथ केन्द्रीय सदस्य उठ्ने निर्णय गरेको छु ।’ नेपाली कांग्रेस लोकतान्त्रिक समाजवादको बाटोमा हिड्ने पार्टी भएकोले यस पार्टीले शिक्षा, स्वास्थ्य र नागरिकप्रतिको उत्तरदायित्वलाई आफ्नो मूल एजेण्डा बनाउनु पर्ने उनको तर्क छ । ’विगत तीन दशकदेखि विद्यार्थी राजनीति गर्दै पार्टीको पनि विभिन्न तहको जिम्मावारी निर्वाह गरिसकेको हुँदा मेरो अनवरत सङ्घर्ष, अनुभव तथा योग्यताको समेत उचित मूल्याङन गरी केन्द्रीय नेतृत्व प्रदान गर्ने महत्वपूर्ण अवसर यहाँहरुले प्रदान गर्नुहुने दृढ विश्वास गर्दै केन्द्रीय सदस्य पदमा अमूल्य मत दिई विजयी गराइदिनु हुन तपाईं महाधिवेशन÷महासमिति तथा शुभचिन्तक परम आदरणीय महानुभावहरु समक्ष हार्दिक अनुरोध गर्दछु’ कार्कीले मतदातासँग मत माग्दै भने । कार्की राजनीतिसँगसँगै विभिन्न सामाजिक संस्थामार्फत सामाजिक कार्यमा पनि संलग्न रहँदै आएका छन् ।
कक्षा सात मा ओखलढुङ्गाको नर्मदेश्वर माबिमा अध्ययन गर्ने क्रममा राजनीतिक यात्रा शुरु गरेका कार्की तत्कालीन ओखलढुङ्गाको क्षेत्र नम्बर २ को नेपाल बिद्यार्थी संघको क्षेत्रिय सभापती समेत भएर काम गरे । रामेछापको हिमगंगा माबी साघुटारको इकाई सभापती हुदै २०५६ सालमा रामेछापको जिल्ला सभापती बनेर काम समेत गरे । त्यस्तै गरी कार्की २०५७ सालमा नेपाल बिद्यार्थी संघको केन्द्रिय सदस्य हुदै प्रचार प्रशार बिभाग प्रमुख भएर काम गरी सकेका छन् । २०६३ सालमा नेपाल बिद्यार्थी संघको उपसभापती भएर समेत कार्कीले काम गरिसकेको छ । राजनितीक शास्त्रमा एम ए गरेका कार्की नेपाली कांग्रेसको ११ औं अधिबेशन देखी लगातार महाधिबेशन प्रतिनिधी भएर काम गरिसकेका छन् ।

कार्कीले रामेछाप जिल्लामा मात्र नभएर आफु आवद्ध रहेको प्रयास नेपाल नामक संस्था बाट २०७२ सालको भुकम्प पछी राहत बितरण गर्नका साथै कोरोना संक्रमनको समयमा स्वास्थ्य समाग्री समेत बितरण गर्दै आएका छन् कार्कीले प्रयास नेपाल संस्थामार्फत अनाथ असहय बालबालिकाको पालनपोषण, संरक्षण तथा शिक्षादिक्षा प्रदान गर्न निरन्तर सहयोग गरिरहेका छन् । उक्त संस्थामार्फत दूर्गम जिल्लामा विद्यालय निर्माण, बाढी पहिरो पीडीतलाई सहयोग तथा असहायलाई छात्रबृत्ति, भूकम्प तथा कोरोना पीडितको उद्दार तथा राहत बितरणमा महत्वपूर्ण सहयोग गरिरहेका छन् ।
रामेछापमा उनी युवा तथा अघिल्लो पुस्तालाई समन्वय गर्नसक्ने नेता मानिन्छन् । कार्की संस्थापन पक्षका नेता हुन् । फरक गुटका नेताहरूसँग पनि कार्कीको उत्तिकै नजिकको सम्बन्ध रहेको कार्यकर्ताहरू बताउँछन् ।