रामेछाप । बिश्वभरी फैलिएको कोरोना भाइरस (कोभिड–१९) बाट बच्न नेपाली कांग्रेस मन्थली नगरपालिका–८ चिसापानीले घर घरमा गएर नागरिक हरुलाई सन्देश मुलक पर्चा बितरण गर्दै स्वास्थ्य समाग्री हस्तान्तरण गरेको छ ।
आफ्नो वडामा रहेको सबै नागरिकको घरमा पुगेर कोरोना बाट कसरी बच्न सकिन्छ कोरोना लागी हालेमा के गर्ने भन्ने फोटो सहितको सन्देश मुलक पर्चा बितरण गरेको छ साथै इकाई कांग्रेसले चिसापानी – काठमाडौ सम्पर्क समितीको बिपत्तिमा सहयोग अभियान अन्तर्गत कोरोना भाईरस बाट बच्न अपनाउनु पर्ने सचेतनाका सन्देशहरु सहित १० हजार पिस मास्क र १७०० पिस मेडिकेयर साबुन मन्थली नगरपालिका–८ चिसापानीका नागरीक हरुको घरघर पुगेर बितरण गरिएको मन्थली नगरपालिका–८ चिसापानीका इकाई सभापती ओम प्रकाश पुरीले जानकारी दिए । उनले भने हामीले दिएको सानो सहयोगले र थोरै जानकारीले मानीसमा आत्मबल बढने भएकोले यो अभियान सञ्चालन गरेको सभापती पुरीले जानकारी दिए ।
यस अघि मन्थली नगरपालिका–८ चिसापानीमा मन्थली नगरपालिका–८ चिसापानी – काठमाडौ सम्पर्क समितीको सहयोगमो चिसापानीमा रहेको स्वास्थ्य संस्थाहरुमा सर्बसाधरण नागरीकको लागी औषधी सहित स्वास्थ्य समाग्री समेत हस्तान्तरण समेत गरेको थियो ।