रामेछाप । मन्थली नगरपालिका–९ पुरानोगाँउमा रहेको जनमैत्री साना किसान कृषि सहकारी संस्था लिमिटेडको चौथौँ साधारण सभा सम्पन्न भएको छ । २०७३ सालमा स्थापना भएको जनमैत्री साना किसान कृषि सहकारी संस्थाको कुल पुँजी १६ लाख रुपियाँ रहेको छ । १५१ जना सदस्य रहेको सरकारीले आर्थिक वर्ष २०७६÷०७७ मा एक लाख ३० हजार रुपियाँ भन्दा बढी नाफा कमाएको छ ।
सहकारीका अध्यक्ष प्रमोद कुमार श्रेष्ठको अध्यक्षतामा भएको कार्यक्रममा बोल्दै वागमती प्रदेशका सांसद शान्तिप्रसाद पौडेलले सहकारीहरुले कृषि क्षेत्रको विकास र प्रवद्र्धनमा लगानी बढाउनुपर्ने बताएका छन । उनले कृषि क्षेत्रको विकास विना मुलुकको समृद्धि हुन नसक्ने भन्दै अब सहकारीहरुले कृषि ,पशु र लघु उद्यमका क्षेत्रमा लगानी बढाउनुपर्ने बताए ।
कार्यक्रममा नेकपा एमालेका केन्द्रिय सदस्य भोजराज कडरिया, जिल्ला पार्टी कमिटी अध्यक्ष आनन्द श्रेष्ठ ,सचिवालय सदस्य लव श्रेष्ठ, मन्थली नगरपालिका वडा नम्बर ९ का वडा अध्यक्ष बुद्धि बहादुर पुलामी मगर, गैर सरकारी संस्था महासंघका अध्यक्ष भुवन कुमार श्रेष्ठ र नेपाल पत्रकार महासंघका सचिव नवराज श्रेष्ठ लगायतले मुलुकको आर्थिक समृद्धिको लागि सहकारीहरुको भूमिका महत्वपूण हुने बताएका छन । सहकारीहरुले अहिलेसम्म गरेका लगानी प्रभावकारी छन् कि छैनन् भन्ने बारेमा अध्ययन अनुसन्धान गर्न आवश्यक रहेको उनीहरुको भनाई छ ।