काठमाडौं । फिल्म ‘जनै हराएको मान्छे स् सम्बन्धका धागाहरू’को प्रिमियर बुधबार नयाँ बानेश्वरस्थित वान सिनेमाज हलमा सम्पन्न भयो। कार्यक्रममा कलाकार सुनिल थापा, जितु नेपाल, विप्लव प्रतीक, कमलमणी नेपाल, लोकेन्द्र लेखक, किरण श्रेष्ठ, प्रदीप भारद्धाज लगायत उपस्थित थिए।
निर्देशक हिमाल न्यौपानेको निर्देशनमा तयार भएको यो फिल्म शुक्रबारदेखि प्रदर्शनमा आउनेछ। फिल्ममा केकी अधिकारी, विजय बराल, मिरुना मगर, सशांक मैनाली, भोलाराज सापकोटा, गौरव पहाडी, रियर राई, भावना खपांगी, रुपेश लामा, सुमन थापा लगायतको अभिनय रहेको छ।
प्रिमियरमा उपस्थित दर्शकहरूले फिल्म हेरेपछि भावुकता व्यक्त गरे। कतिपयले आँसु रोक्न सकेनन् भने कलाकार केकी अधिकारी र अञ्जु पन्त समेत भावुक हुँदै दृश्यलाई अनुभव गरिरहेकी देखिईन्।
विजय बरालका लागि यो फिल्म सर्वकालिन ब्लकबस्टर ‘पूर्णबहादुरको सारंगी’ पछि पर्दामा फर्किनु हो। फिल्म पेपरक्लिपको ब्यानरमा निर्माण गरिएको हो भने निर्माता कमल न्यौपाने र विमल न्यौपाने हुन्। कार्यकारी निर्माता समूहमा नारायण तिमल्सिना, चुडामणि सिवाकोटी, आरके मानन्धर, सीआर बस्नेत, फिलिप डिसी र जेम्स महाराजन रहेका छन्। प्रिमियरले दर्शक र कलाकार दुवैको मन जितेको भन्दै फिल्मको आगामी प्रदर्शन प्रती उत्साह थपिएको छ।
