कार्तिक २९, रामेछाप ।
दोरम्वा गाउँपालिका वडा नं–१ डडुवाको मिल्ती खोलामा निमार्ण गरिएको मिल्ती लघु जलविद्युत आयोजना एघार बर्षदेखी अलपत्र परेको छ ।
दोलखा र रामेछापको सिमानामा पर्ने डडुवाको मिल्ती खोलामा निमार्ण भएको १६ किलोवाट क्षमताको लघु जलविद्युत आयोजना रकम अभावको कारण एघार बर्षदेखी अलपत्र रहेको हो । विजुली वत्तीमा बस्ने अभिलाषाका साथ दोरम्वा गाउँपालिका वडा नं.–१ डडुवा मेघ्रेका ८० घरधुरीले २ हजार रुपैयाँ का दरले चन्दा उठाएर उक्त आयोजना शुरु गरेका थिए ।
स्थानियहरुले अपुग रकम वैकल्पीक उर्जा कम्पनी प्रालिवाट २४ लाख रुपैया लिएका थिए भने तत्कालीन डडुवा गाविसको कार्यालयवाट प्राप्त ४ लाख रुपैयाँ गरी २९ लाख ६० हजार रुपैयाँ खर्चेका थिए । स्थानियहरुले अपुग रकम लघुवित्त विकास संस्थानबाट २४ लाख रुपैयाँ ऋण काढेर २०६५ सालमा विजुली बत्ती बाल्दा कम्ती खुशी भएको थिएनौं । घरमा बिजुली बत्ती बलेको ४ वर्षमा नै आयोजना बन्द हुन पुग्यो । दोरम्वा गाउँपालिकाका वडा नं–१ का डडुवाका बुद्धिवहादुर मोक्तानले जानकारी दिए ।
उनले भने– तत्काल स्थानिय उपभोक्ताहरुले मासिक १ सयका दरले शुल्क उठाएर विजुली बत्ती बालेका थियौं । स्थानिय ८० घरधुरीले उठाएको रकमले विद्युत स्टेशनमा बस्ने कर्मचारीलाई तलब खुवाउन मात्रै रकम पुग्ने र अन्य मर्मत सम्भारको लागि रकम अभाव हुँदा उक्त आयोजना स्थानिय उपभोक्ताहरुले संचालन गर्न सकेनौं मोक्तानले बताए ।
छिमेकी जिल्ला दोलखाको मेलुङ्ग गाउँपालिका र रामेछाप जिल्लाको दोरम्वा गाउँपालिकाको सिमानामा बहने मिल्ती खोलामा निमार्ण भएको १६ किलोवाट क्षमताको उक्त विद्युत गृहमा ल्याउन बनाइएको नहर वर्षातमा खोलामा आएको बाडीले बगाएर बिग्राने र समयसमयमा विद्युतको भोल्टेज घटी र बढी हुने हुँदा विद्युतमा जडान गरिएका उपकरणहरु समेत क्षती बढी हुने भयो ।
विग्रीएका उपकरण बनाउन समितिसगँ कुनै रकम नै भएन । स्थानिय उपभोक्ताहरुसँग आयश्रोत नभएका कारण धेरै रकम उठाउन सकिएन । कतिपय उपभोक्ताहरुले त मासिक बिजुली बालेको १ सय रुपैयाँ समेत तिर्न गाह्रो थियो मिल्ती लद्यु जलविद्युत आयोजनाका सचिव ताराबहादुर मोक्तानले जानकारी दिए ।
उनले भने– उत्पादित विजुलीले डडुवा–१ मेघ्रेका सवै घरपरिवारमा विजुली वत्ती वलेको थियो । विजुली वत्ति वाल्न सदरमुकाम मन्थलीमा रहेको लघुवित्त विकास संस्थावाट लिएको २४ लाख ऋण अझै समुहको नाममा रहेकाले उक्त ऋण कसरी तिर्ने भन्ने चिन्ताले सताएको छ । अब ऋण तिर्नको लागि आयोजनाका सामाग्री लिलाम बिक्री गरेर ऋण तिर्ने मनस्थितीमा आफुहरु रहेको सचिब मोक्तानले बताए ।
हाल डडुवाको मेघ्रेमा २०७० साल देखी नै केन्द्रिय विद्युत लाइन पुगेपछि त्यस गाउँका उपभोक्ताहरुले लद्यु विद्युत आयोजना भन्दा केन्द्रिय लाइनकै विद्युत उज्यालो र झन्झट बाट छुटकारा पाउने भन्दै केन्द्रिय लाइन विद्युत जडान गरेपछि पनि उक्त आयोजना अलपत्र परेको हो ।