रामेछाप । मन्थली नगरपालिका–३ निवासी यमबहादुर थापामगरले जिल्लालाई भ्रष्टाचार मुक्त जिल्ला बनाउने बताएका छन् । शुक्रबार सदरमुकाम मन्थलीमा पत्रकार सम्मेलन गर्दौ थापाले जिल्लालाई भ्रष्टाचार मुक्त जिल्ला जसरी भए पनी बनाउने बताएका छन् । थापाले शिबको मुर्ति मन्थलीको देबकोटा चोकमा स्थापना गरी कसम खाएर भ्रष्टाचार मुक्त समाज निर्माणमा लागीपरेको बताएका छन् । थापाले भ्रष्टाचार बिरुद्धको अभियान जिल्लामा सञ्चालीत बिद्यालयहरुमा पुगेर बिद्यार्थीहरुलाई भ्रष्टाचारको बारेमा जानकारी गराउदै आर्थिक अवस्था कम्जोर भएका बिद्यार्थीलाई शैक्षिक समाग्री समेत बितरण गर्दै आएको बताएका छन् ।
थापाले आफु भ्रष्टाचार बिरुद्धको अभियान लिएर मन्थली नगरापालिकाका ३३ वटा माध्यामिक बिद्यालय, २ वटा आधारभूत बिद्यालय र १ वटा रामेछाप नगरपालिकाको गौरीशंकर माध्यामिक बिद्यालयमा पुगिसकेको बताएका छन् ।
थापाले भ्रष्टाचार गर्नेलाई अब बाँकी नराख्ने भन्दै ति बिद्यालयहरुमा भ्रष्टाचार बिरुद्धको सचेतना अभियान सञ्चालन गरेको बताए । साथै थापाले प्रत्येक बिद्यालयका गरिब तथा जेहेन्दार बिद्यार्थीहरुका लागि १० दर्जन कापी, डटपेन, सहयोग गरेको बताएका छन् । प्रत्येक विद्यालयका वुबा, आमा वा बुवा आमा मध्ये एक जना नभएका टुहुरा वालवालिका मध्य २ जनालाई रु ५÷५ सयका दरले नगद सहयोग गरेको बताए ।
रामेछापको रजायछापमा केहि दिन अघि भएको आगलागिमा पिडित ११ घर धुरीलाई ११ बोरा चामल ११ वटा ब्ल्याङ्केट , महिलाहरुका लागि ११ वटा धोति सारी र १० दर्जन कापी बितरण गरेको समेत बताएका छन् ।
