रामेछाप । जिल्ला अस्पताल रामेछाप नेपाल भरका जिल्ला अस्पताल मध्य तेस्रो हुन सफल भएको छ । स्वास्थ्य निर्देशनालय बाग्मती प्रदेशको अगुवाइमा भएको न्यूनतम सेवा फलो अप मापदण्ड मूल्याङ्कनमा जिल्ला अस्पताल रामेछापले ९१ प्रतिशत अङ्क प्राप्त गर्दै तेस्रो हुन सफल भएको छ ।
देशभर रहेका १५ शय्याका सरकारी अस्पतालहरूको मूल्याङ्कनका आधारमा रामेछाप अस्पतालमा अस्पतालको सेवा सञ्चालन विधि र तरिकामा तेस्रो हुन सफल भएको उल्लेख छ । मापदण्ड मूल्याङ्कन समितिले बुधवार अस्पताल व्यवस्थापन समिति सबै स्वास्थ्यकर्मी र सञ्चारकर्मीहरूको समेतको रोहवरमा जिल्ला अस्पताल रामेछापमा एक औपचारिक कार्यक्रम गरी आफ्नो मूल्याङ्कन प्रतिवेदन सार्वजनिक गरेको हो । टोलीले सरकारी सूचकका आधारमा लामो समय लगाएर मसिनो गरी गरेको मुल्याकनमा जिल्ला अस्पताल रामेछापलाई उछिन्दै, जिल्ला अस्पताल बैतडी ९३ प्रतिशत अङ्क पाएर पहिलो र सिन्धुपाल्चोक जिल्लाको चौतारा अस्पताल ९२ प्रतिशत अङ्क पाएर दोस्रो हुन सफल भएको जानकारी पनि उक्त समितिले गराएको थियो ।
आफ्नो सेवालाई भर लाग्दो र नागरिक मैत्री सेवामा समर्पित गराउँदै आएको जिल्ला अस्पताल रामेछाप सरकारद्वारा गठित जिल्ला अस्पताल रामेछाप तेस्रो हुन सफल भएको छ । देशभरका १५ शय्या अस्पतालहरूमध्ये जिल्ला अस्पताल रामेछापले तेस्रो स्थान प्राप्त गरेको हो
२०७७ को मूल्याङ्कनमा ६८ प्रतिशत,२०७८ मा ५७ प्रतिशत अङ्क प्राप्त गरेको अस्पतालले २०७९ मा ८७ प्रतिशत र २०८० सम्म आइपुग्दा भने त्यसमा बढवा गरी ९१ प्रतिशत अङ्क पाएको जानकारी मूल्याङ्कन समितिका संयोजक कोसी अस्पतालका वरिष्ठ हार्डजोर्नी विशेषज्ञ डाक्टर डा दीपेन्द्र पाण्डेले जानकारी दिएका छन् । उनले अस्पतालको स्मार्ट नेतृत्व सँगै स्मार्ट स्टाफको स्मार्ट सेवाले आफूहरूलाई थप प्रभावकारी बनाएको भन्दै आगामी वर्ष यसमा अझै सुधार गर्नका लागि पनि व्यवस्थापन पक्ष सँग आग्रह गरेका छन् ।
