रामेछाप । जिल्लामा पटक–पटक विद्युत जाने समस्या देखी काठका पोल विस्थापित गर्दै जिल्लाबासिको मन जितेर सोमवार नेपाल विद्युत प्राधिरकणका प्रमुख बिनोद अधिकारी रामेछापबाट बिदा भएका छन् ।
प्रमुख अधिकारीको रामेछाप विद्युत प्राधिकरणबाट मकवानपुरको पालुङ्ग विद्युत प्राधिकरणको प्रमुखको रुपमा सरुवा भएको हो । साडे तिनवर्ष अघि उनी नेपाल विद्युत प्राधिकरणको प्रमुखको रुपमा रामेछाप आएका थिए । अधिकारीले जिल्लामा विद्युतको समस्याका बिषयमा स्थानिय उपभोक्ताहरुसँग जानकारी लिएका थिए । पटक–पटक झ्याप्पझ्याप्प विद्युत जाने र आउने समस्याले आजित भएका ग्राहकहरुको समस्याको निमित उनले भइरहेको पावर ट्रान्सफरमरको क्षमता बृद्धि गरेर विद्युतको अनियमिततालाई सधाको लागि अन्त्य गरिदिएका छन् ।
जिल्लामा भएको ३ एमभिए ट्रान्सफरमरको क्षमता बृद्धि गरि ६÷८ एमभिएमा परिणत गरेपछि पटकपटक जाने विजुली वत्तीको अन्त्य भएको हो । त्यस्तै सानो एमभिएको ट्रान्सफरमर हुँदा ग्राहकले माग गरे बमोजिमको विद्युत दिन नसकेको प्राधिकरणले अहिले जतिसुकै विद्युत माग गर्दा पनि दिन सक्ने गरि क्षमता विस्तार गरेको छ ।
त्यस्तै जिल्लाभर अस्तव्यस्त रहेको विद्युत बितरण प्रणालीलाई सुद्धिढीकरण गरि विद्युतका काठका पोलहरु परिर्वतन गरेर फलामका पोलहरु विस्तार गर्दै विद्युती आपूर्तिलाई सहज बनाइएको छ । त्यसैगरी रामेछापमा शुरुमा ५० प्रतिशत मात्रै विद्युतीकरण भएकोमा त्यसलाई बृद्धि गरी ९५ प्रतिशत विद्युतीकरण गरिएको छ । अहिले विद्युत नपुगेका रामेछापका अधिकांस गाउँमा विद्युतीकरण पुगेको छ यसमा आफुलाई गर्भ गर्ने ठाउँ भएको नेपाल विद्युत प्राधिकरण रामेछापका प्रमुख बिनोद अधिकारीले जानकारी दिए ।
उनले भने– आफ्नो कार्यकालमा गाउँगाउँमा विद्युतीकरण भएसँगै प्राधिकरणको साबिकका ग्राहक संख्यामा १७ हजार नयाँ ग्राहक थप भएको छ । ग्राहक संख्या कम हुँदा मासिक ५० लाख रुपैयाँ विद्युत महसुल उठ्ने रामेछापमा विद्युतीकरण थप भएसँगै अहिले मासिक १ करोड ५० लाख रुपैयाँ महसुल उठ्ने गरेको छ ।
प्रमुख अधिकारी सँगै नेपाल विद्युत प्राधिकरण रामेछापका प्रशासन प्रमुख तिर्थ आचार्यको समेत सरुवा भएको छ । उनको ललितपुरको किर्तिपुर वितरण केन्द्रमा सरुवा भएको हो, आर्चाय विगत २ वर्षदेखी रामेछापमा कार्यरत रहेका थिए । रामेछापमा वस्दा यहाँका राजनितिक दल, स्थानिय नागरिक, समाजसेवी, संञ्चारकर्मी, व्यवसायी र कार्यालयका सम्पूर्ण कर्मचारी लगाएतले आफ्नो कार्यकालमा धेरै ठूलो सहयोग प्रदान गरेकोमा आफुलाई अत्यन्तै खुशी लागेको प्रशासन प्रमुख आचार्यले बताए ।