जेसिज २०२१ जिल्ला कार्यसमीतीको अध्यक्षमा जीवन कार्की विजय भएका छन् । रामेछापको मन्थलीमा शनिबार सम्पन्न जेसिजको छैटौ जिल्ला अधिवेशनले सन् २०२१ का लागि जीवन कार्कीको नेतृत्वमा नयाँ कार्य समिति निर्वाचित गरेको हो । अध्यक्ष पदका लागि भएको मतदानमा २१ मत प्राप्त गरी कार्की निर्बाचित भएका छन भने अध्यक्षका अर्का प्रत्यासी रामकुमार बस्नेतले १७ मत प्राप्त गरेकोे थियो । जेसिज रामेछापका कुल ४१ सदस्यहरू मध्ये ३८ मत मात्र खसेको थियो ।
नव निर्वाचित कार्यसमितिमा कार्यकारी उपाध्यक्ष द्वय सरस्वती राय र प्रज्वल बुढाथोकी,े उपाध्यक्षहरुमा क्रमश धिरज खत्री,संगिता श्रेष्ठ,कुमार श्रेष्ठ र सन्तोष भट्टराई रहेका छन । अध्यक्ष बाहेक अन्य पद भने निर्विरोध भएको हो । विधान अनुसार अध्यक्षले मनोनित गर्न पाउने महासचिव र कानूनी सल्लाहकारमा क्रमश सन्तोष खत्री र रामहरी सापकोटालाई पनि शनिवार नै मनोनित गरिएको नवनिर्बाचित अध्यक्ष कार्कीले वताउनुभयो । जेसिज २०२० का अध्यक्ष गोपाल खड्काको अध्यक्षतामा सम्पन्न कार्यक्रमको उद्घाटन मन्थली शहिद स्मृति वहुमुखी क्याम्पसका पूर्व क्याम्पस प्रमुख गुञ्ज बहादुर श्रेष्ठले गर्नु भएको थियो ।
सो अवसरमा जेसिजका पूर्ब अध्यक्षहरु क्रमश भिमसेन बस्नेत, जनक लामा, प्रदिप कुमार बस्नेत, गुण राज भट्टराई (आकाश), र रामहरी केशी लगायतले आ–आफ्नो मन्तब्य राख्नु भएको थियो । जेसिजले विगतका वर्षहरू देखिनै जिल्लामा बिभिन्न किसिमका सामाजिक कामहरू गर्दै आइरहेको छ ।