रामेछाप । जिल्ला अदालत रामेछापले जातिय छुवाछुत तथा विभेद गरेको भन्दै मन्थली नगरपालिका ६ भलुवाजोरका ६३ वर्षिय शेरबहादुर नगरकोटीलाई साढे ४ वर्ष कैद सजाय सुनाएको छ । नगरकोटीलाई शरीर बन्धकमा तिन वर्ष र जातिय छुवाछुत गरेको आरोपमा साढे १ बर्ष कैद सजाए सुनाएको हो ।
नगरकोटीले २०७८ साल फागुन ३० गते सोमबार गैरदलित समुदायको दलित बालीका घर भित्र छिरेको भन्दै २१ घण्टा सम्म बन्दी बनाएर यातना दिएका थिए । आफुहरु घरमा नभएको समयमा आफ्नो घरमा गैरदलित छिरेर दहि चोरी खाएको भन्दै नगरकोटीको परिवारले बालीकालाई बाँधेर यातना दिएका थिए । स्थानीय देवीस्थान आधारभूत विद्यालयमा कक्षा ४ मा अध्ययनरत १३ वर्षीय बालिकालाई २१ घण्टासम्म डोरीले बाँधेर यातना दिएको आरोपमा उनलाई जिल्ला अदालत रामेछापले शुक्रबार साढे ४ वर्ष कैद सजाय सुनाएको हो ।
जातीय तथा अन्य सामाजिक छुवाछूत तथा भेदभाव कसूर र सजाय ऐन, २०६८ लागू भएको ११ वर्षपछि पहिलो पटक जातीय छुवाछुत गर्नेमाथी एक वर्ष कैद सजाय तोकिएको हो । नगरकोटी दम्पतीबाट संयुक्त रुपमा ७० हजार रुपियाँ क्षतिपुर्ती भराइ ७५ हजार रुपियाँ जरिवानाको फैसला भएको जिल्ला अदालत रामेछापका स्रेस्तेदार रामप्रसाद पौडेलले जानकारी दिए । उनका अनुसार जातीय छूवाछूत तथा भेदभाव सम्बन्धी कसूर मुद्दाको प्रतिवादी नगरकोटीका छोरा रोशन नगरकोटीले भने सफाइ पाएका छन् ।
आफूहरूको पक्षमा फैसला गरेर अदालतले न्याय दिएको पीडित बालिकाकी ठुलो बुबा सार्की नेपालीले बताएका छन् । ‘घरभित्र छिरेको भन्दै छिमेकी शेरबहादुर नगरकोटीले बालीकालाई नाम्लोको डोरीले बाँधेर २१ घण्टासम्म यातना दिएका भन्दै न्यायलय बाट न्यायपाएकोमा खुसी ब्यक्त गरे । जिल्ला अदालत रामेछापले शुक्रबार नगरकोटीलाई साढे चार वर्ष जेल सजाय र ७५ हजार जरिवाना तोके संगै शनिबार पत्रकार सम्मेलको आयोजना गरी दलित पत्रकार महासंघ रामेछापले उक्त कुरा जानकारी दिए ।
