विराटनगर । सुनसरीको इटहरीमा भएको प्रदर्शनलाई नियन्त्रण गर्ने क्रममा प्रहरीले गोली चलाउँदा दुई युवाको मृत्यु भएको छ । मृतकको पहिचान खुल्न बाँकी छ तर उनीहरू क्रमशः २५ र ३० वर्षका रहेका प्रहरीले जनाएको छ ।
गोली लागेर गम्भीर घाइते भएका उनीहरूलाई तत्काल धरान लगिएको थियो । बीपी कोइराला स्वास्थ्य विज्ञान प्रतिष्ठानमा पुर्याउनासाथ चिकित्सकले दुवैलाई मृत घोषणा गरेका हुन् ।
घटनामा गोली लागेर थप एक जना घाइते भएका छन्, जसको उपचार भइरहेको छ । यसैबीच, झडपका क्रममा सशस्त्र प्रहरीका एक सहायक हवल्दार समेत घाइते भएका छन् । उनको गालामा चोट लागेको प्रहरीले जनाएको छ ।
