रामेछाप । मन्थली नगरपालिका–११ नाटिलामा शनिवार साँझ आएको हावा हुन्डरी र पानीले तहसनहस बनेको छ । शनिवार साँझ करीब ७ बजे तिर एक्कारी आएको हावा हुन्डरी र पानिले नागरीको घरको छानो उडाउनका साथै रुखहरु ढालेर पुरै गाउँ नइ तहसनहस बनाएको छ भने एक जना घाइते भएका छन् । घाइते भएका ६५ बर्षिय बोध कुमारी बोहोरालाई शनिबार राती नै उपचारको लागी मन्थली ल्याएको थियो । हावा हुन्डरी संगै आएको पानिले २५ वटा भन्दा बढी घरको पुरै छाना उडाएका छन् भने १ सय ५० भन्दा बढी घरको केहिमात्र छाना उडाउनका साथै घरमा क्षती पुगेको छ ।
हावा हुन्डरी संगै आएको पानिले घरमा भएको धान मकै कोदो गाहुँ लगाएत अन्न बाली सबै भिजेको छ । साथै हुन्डरीले ३ वटा पसलको छाना उडाउदा पसलमा रहेको समान भिजेर नस्ट भएको छ । हावा हुन्डरी संगै आएको पानीले ४ सय बर्ष भन्दा पुराना रुखहरु समेत उखलेर फाल्नको साथै अधिकाँस रुख बिरुवाहरुको हागाँ भाजेर लगेको छ ।
पिडित परिवारलाई जिल्ला रेडक्रस सोसाइटी रामेछापले त्रिपाल बितरण गरेको छ । रेडक्रसका मन्त्री जयप्रकास श्रेष्ठको नेतृत्वमा गएको रेडक्रसको टिमले डिडितको घर घरमा गएर त्रिपाल बाडेको छ ।
जिल्ला प्रशासन कार्यालय रामेछाप, जिल्ला प्रहरी कार्यालय, र सशस्त्र प्रहरी बल रामेछापको टोलीले उद्दार गर्नको साथै घर घरमा गएर घट्नाको बिबरण संकलन गरिरहेको ।
मन्थली नगरपमलिका–११ का वडा अध्यक्ष भिम बहादुर थापामगरले तत्कालको समस्या समाधानको लागी जिल्ला रेडक्रस सोसाइटी मार्फत त्रिपाल बितरण गरिएको भन्दै थप राहतको लागी नगरपालिका लगाएत प्रदेश सरकार र संघिय सरकार संग अनुरोध गर्ने बताए ।
