रामेछाप । रामेछापको तामाकोशी नदि किनारमा हाइड्रो पावरको कारण शब दाह संस्कारमा समस्या आएको बताएका छन् । हाइड्रो पावरले दिनभरी बाध थुन्ने र बेलुकी पख खोल्ने गरेका कारण तल्लो तटिय क्षेत्रमा शब दाह संस्कारमा समस्या आएको रामेछाप बासीले बताए । बिना बर्षात तामाकोशिमा एक्कासि पानीको बहाब बढने गरेका कारण तामाकोशी नदी किनारमा शब दाह संस्कारमा समस्या निम्तिने गरेको रामेछाप वासीको भनाई छ
शब लिएर नदि किनारमा पुगेका मलामीहरु नदीको किनारामा चित्ता पखाल्न मिल्ने गरि लाश जलाई रहदा माथिल्लो भागबाट ह्वातै पानीको बहाब बढदा लास नै बगाउन थालेको मन्थलीका स्थानीय कृष्ण गोपाल थापाले बताए । उनले २÷३ वटा त शब नै बगाई सक्यो थापाले भने । उनले भने एक्कासी पानीको बहाब बढ्दा मलामी भाग्नु पर्ने स्थिती आउने गरेको बताए । पानी नपर्ने सिजनमा पानीको बहाब बढ्नुको कारण जलविद्युत आयोजना रहेको स्थानियहरु बताउछन । पानीका लागि नदि किनारमा भर पर्ने सर्वसाधारण जति बेला पनि समस्या पर्ने स्थिती देखिन थाले पछि स्थानीय त्रसित बनेका छन ।
हाइड्रो पावरले दिनमा पानी जमाउने राती खोल्ने गरेका कारण रातको समयमा पानीको बहाब बढ्ने गरेको बताइएको छ । यता रामेछापका प्रमुख जिल्ला अधिकारी दिपक कुमार पहाडिले तल्लो तटिय क्षेत्रको सम्भाबित जोखिम कम गर्न सम्बन्धित निकायलाई सुरक्षा सावधानी अपनाउन अनुरोध गर्ने बताए ।