रामेछाप । गोकुलगंगा गाउँपालिकाका नव निर्वाचित गाउँपालिका अध्यक्ष काजीबहादुर खड्का दिनेशले पदभार ग्रहण गदै सुत्केरीलाई निशुल्क एम्बुलेन्स सेवा दिने र जेष्ठ नागरिकलाई सम्मान गर्ने निर्णय गरेको छ ।
बुधबार पदभार सम्माल्दै अध्यक्ष खड्काले गर्भवती तथा सुत्केरी महिलालाई निःशुल्क एम्बुलेन्स सेवा दिने र जेष्ठ नागरिकलाई सम्मान गर्ने निर्णय सदर गर्दै आफ्नो कार्यभार सम्हालेका हुन् ।
गाउँ कार्यपालिकाको कार्यालयले बुधबार आयोजना गरेको नवनिर्वाचित जनप्रतिनिधिहरुलाई बधाई तथा स्वागत कार्यक्रममा निवर्तमान अध्यक्ष र उपाध्यक्ष भने अनुपस्थित रहेका थिए । निवर्तमान अध्यक्ष र उपाध्यक्षले जिम्मेवारी हस्तान्तरण गर्नु पर्ने भए पनी उनीहरु भने कार्यक्रममा अनुपस्थित रहे ।
अध्यक्ष खड्काले नव निर्वाचित वडा अध्यक्ष र सदस्यहरुलाई पद तथा गोपानीयताको सपथ ग्रहण गराएका थिए । गाउँपालिकामा अध्यक्ष उपाध्यक्ष सहित ४ वडामा प्यानल र एक वडामा ४ सदस्यमा कांग्रेसले जित हात पारेको छ भने पालिकामा एकल बहुमत बनाएको छ ।
