रामेछाप । गोकुलगंगा गाउँपालिकाले शैक्षिक सुधारका लागी एलकेजी कक्षा थप गरेको छ । सरकारको शिक्षा नीति अनुसार बाल कक्षा पछि कक्षा एक मा अध्ययन गर्ने व्यवस्था भए पनि गाउँपालिकाले शैक्षिक सुधारका लागी एलकेजी कक्षा थप गरेको हो । शैक्षिक वर्ष २०७९ साल देखी गाउँपालिका भित्रका ३३ वटै सामुदायिक विद्यालयहरूमा निजी विद्यालयमा लागु गरेको एलकेजिको पुस्तक लागु गरी कक्षा थप गरेको हो । एलकेजी कक्षा सञ्चालनका लागी गाउँपालिकाले थप शिक्षक र पुस्तकको व्यवस्थापन गरिदिएका छन् । गाउँपालिकाले उक्त पुस्तक खरिद गरी निःशुल्क विद्यार्थीहरूलाई व्यवस्थापन गर्दै आएको छ । गाउँपालिका भित्र अब कक्षा एकमा अध्ययन गर्न बाल कक्षा र एलकेजी कक्षा पास गरे पछि मात्र पाउने छ ।
गाउँपालिका अध्यक्ष काजी बहादुर खड्का (दिनेश) ले भने– हाम्रो सामुदायिक विद्यालयका बिद्यार्थीहरु निजी विद्यालयको विद्यार्थी सँग प्रतिस्पर्धा गर्न सक्ने बनाउने लक्ष्य सहित थप एलकेजी कक्षा २०७९ साल बाट लागु गरेका छौँ । जसमा निजी विद्यालयमा पढाइ हुने एलकेजीको पुस्तक लागु गरेका छौँ । जसले गर्दा एक कक्षामा पुग्दा विद्यार्थीले नेपाली र अङ्ग्रेजी अक्षर पढ्न सक्ने भएका छन् । बाल कक्षा बाट सिधै एक कक्षामा लैजाँदा शिक्षकहरूलाई पाठ्यक्रम अनुसार कक्षा सञ्चालन गर्न असहज हुने हुन्थ्यो अब सहज भएको छ । यो कक्षा लागु गरे पछि विद्यार्थी पढाउनका लागी अभिभावकले गाउँ छाड्नेको सङ्ख्यामा कमी आएको छ । यो हाम्रो प्रयासले अहिले सामुदायिक विद्यालयमा विद्यार्थी सङ्ख्या समेत थप भएको छ । यसको परिणाम आउन १० वर्ष लाग्छ । तत्काल न आउन सक्छ । केही समय पछि आउँछ तर राम्रै आउँछ । भन्ने हामीले विश्वास गरेका छौँ अध्यक्ष खड्काले भने ।
