रामेछाप, । माध्यमिक शिक्षा परीक्षा (एसईई) २०८१ को नतिजा सार्वजनिक भएको छ । राष्ट्रिय परीक्षा बोर्ड, सानोठिमीले शुक्रबार साँझ नतिजा सार्वजनिक गरेको हो । सार्वजनिक नतिजाअनुसार रामेछापको सदरमुकाम मन्थलीस्थित मन्थली माध्यमिक विद्यालयले यस वर्ष पनि उत्कृष्ट नतिजा ल्याउन सफल भएको छ ।
सो विद्यालयकी छात्रा सोफिना श्रेष्ठ ले ४ जिपिए प्राप्त गरेकी छन् भने अर्का विद्यार्थी सिद्धार्थ खड्का ले ३.९७ जिपिए हासिल गरेका छन् । विद्यालयले अघिल्लो वर्ष (२०८० साल) मा पनि ४ जिपिए ल्याउने विद्यार्थी उत्पादन गरेको थियो । सो वर्ष सुबोध ढुगेल ले ४ जिपिए ल्याएका थिए । लगातार उत्कृष्ट नतिजा दिँदै आएको विद्यालयले यो वर्ष पनि शैक्षिक सफलताको पुनरावृत्ति गरेको छ ।
विद्यालयका प्रधानाध्यापक डा. टंकप्रसाद दाहाल ले नतिजाबाट आफू अत्यन्त सन्तुष्ट भएको जनाउँदै विद्यार्थी, शिक्षक र अभिभावकलाई धन्यवाद दिएका छन् । उनले भने, “शिक्षकहरूको समर्पण, विद्यार्थीहरूको मेहनत र अभिभावकहरूको विश्वासकै कारण हामीले पुनः सफलता दोहोर्याउन सकेका छौं ।”
राष्ट्रिय परीक्षा बोर्ड, परीक्षा नियन्त्रण कार्यालय सानोठिमीले सार्वजनिक गरेको नतिजा अनुसार यस वर्ष ६१ दशमलव ८१ प्रतिशत परीक्षार्थीले ग्रेड प्राप्त गर्न सफल भएका छन् । अघिल्लो वर्षको तुलनामा यो दर उल्लेखनीय रूपमा वृद्धि भएको देखिन्छ । गत वर्ष ४७ दशमलव ८६ प्रतिशत मात्र परीक्षार्थीले ग्रेड हासिल गरेका थिए । यसपालि नतिजा १३.९५ प्रतिशतले सुधारिएको बोर्डको विश्लेषण छ ।
पौंस २६ बाट चरिकोटमा शहीद प्रधानको स्मृतिमा प्रदेश स्तरीय भलिवल प्रतियोगिता हुने
काठमाडौँ – शहीद हेमन्त प्रधानको स्मृतिमा नेपाली काँग्रेस दोलखा प्रदेश ‘क’ ले प्रदेश स्तरीय खुला भलिवल प्रतियोगिता आयोजना गर्ने भएको छ ।‘स्वास्थ्यका लागि खेलकुद राष्ट्रका लागि खेलकुद’ भन्ने नारा सहित आगामी पौस २६ गतेबाट सुरु हुने प्रतियोगितामा बागमती प्रदेशका १३...
