काठमाडौँ । नेकपा एमाले बागमती प्रदेश कमिटीको अध्यक्षमा रामेछापका नेता कैलाश ढुङ्गेल निर्वाचित भएका छन् । शुक्रवार राति सम्पन्न मतगणनाको अन्तिम परिणाम अनुसार ६९६ मत प्राप्त गरी ढुङ्गेल पहिलो अधिवेशनका निर्वाचित अध्यक्ष बनेका हुन् । रामेछापका ढुङ्गेल बागमती प्रदेश सरकारका पूर्व अर्थमन्त्री समेत हुन् । ढुङ्गेलका निकटतम प्रतिस्पर्धी दाहालले ४३९ मत मात्र प्राप्त गरेका छन् ।
उपाध्यक्षमा दावादोर्जे लामा विजयी भएका छन् लामाले ६१५ मत प्राप्त गरे यस्तै सचिवमा नवराज सिलवाल विजयी भएका छन् । सचिवमा नवराज सिलवाल एक मतले विजयी भए । सिलवालले ५६८ मत प्राप्त गर्दा हस्त पण्डितले ५६७ मत प्राप्त गरे । यस्तै उपसचिवमा प्रेम कुमार महर्जन ५९९ र भक्त कुमारी लामा ५३६ मत लिएर विजयी भए ।
त्यस्तै गरी रामेछाप बाट प्रदेश समिति सदस्यमा क्रमशः शान्ति प्रसाद पौडेल,प्रेम ब तामाङ,गङ्गा देवी कार्की,लव श्रेष्ठ,ज्ञान कुमार श्रेष्ठ,गोपाल श्रेष्ठ,अर्जुन कार्की,शेर बहादुर सुनुवार,माया कुमारी कार्की,दीपशिखा दाहाल,सीता कुमारी खत्री,पर्शुराम बस्नेत.हर्कमाया माझी र लेखा आयोग अध्यक्ष श्यामकृष्ण श्रेष्ठ निर्वाचित भएको छ ।
