विराटनगर ः प्रमुख प्रतिपक्षी दल नेकपा एमाले कोसी प्रदेश सरकारविरुद्ध आज सर्वोच्च अदालत जाने भएको छ । गत सोमबार मुख्यमन्त्री उद्धव थापाले विश्वासको मत लिने क्रममा सभामुखको हैसियतमा रहेका काँग्रेसका सांसद इस्राइल मन्सुरीले मतदान गरेको विरोधमा एमाले अदालत जान लागेको हो । संसद्को अध्यक्षता गरिरहेका व्यक्तिले मतदान गर्नु असंवैधानिक र प्रदेश सञ्चालन नियमावली विपरीत भएको एमालेले बताएको छ ।
अहिलेको सरकार असंवैधानिक भन्दै खारेज गर्न र ठुलो दलका हिसाबले एमालेको सरकार बनाउन माग गर्दै रिट दायर गर्न लागिएको कोसी प्रदेश एमाले दलका उपनेता रामबहादुर राना मगरले बताए ।
