रामेछाप । लिखु तामाकोशी गाउँपालिकाका अध्यक्ष गोबिन्दबहादुर खड्का माथी लागेको जर्बजस्ती करणी र शरिर बन्धक दुईवटा मुद्धाबाट अध्यक्ष खड्काले सफाई पाएका छन् ।
अध्यक्ष खड्काको विरुद्धमा परेका दुईवटै मुद्धाको फैसला रामेछाप जिल्ला अदालतले मंगलवार गरेको हो । रामेछापका जिल्ला अदालतका जिल्ला न्यायाधीस बद्रीप्रसाद ओलीको एकल इजलासले खड्का विरुद्ध परेको दुईवटै मुद्धामा सरकारी दावी प्रमाण नपुग्ने भन्दै सफाई दिने निर्णय गरेको रामेछाप जिल्ला अदालतले जनाएको छ ।
करिव डेढवर्ष अघि लिखु तामाकोशी गाउँपालिका स्वास्थ्य शाखामा कार्यरत एक महिलाले आफु माथि अध्यक्ष खड्काले जर्वजस्ती करणी गरेको भन्दै जिल्ला प्रहरी कार्यालय रामेछापमा अध्यक्ष विरुद्ध जर्वजस्ती करणी उद्योगमा मुद्धा दर्ता गराएकी थिइन । त्यसैगरी लिखु तामाकोशी गाउँपालिकामा सडक निमार्ण गर्न गठित उपभोक्ता समितिका पदाधिकारी दर्पण घिसिङलाई गाउँ पालिकाको कार्यालयमा आएको समयमा अध्यक्ष खड्काले कोठामा थुनी योजनाको रकम भुक्तानी दिन दबाव सिर्जन गरेको भन्दै अध्यक्ष खड्का माथि शरिर बन्धक मुद्धा प्रहरीमा दर्ता गराएका थिए ।
अध्यक्ष खड्का माथि परेको दुवै मुद्धाको बिषयमा अध्यक्ष खड्कालाई प्रहरीले हिरासतमा राखी जिल्ला प्रहरी कार्यालय रामेछापले आवश्यक राय सहित जिल्ला सरकारी वकील कार्यालयमा पेश गरेको थियो । सरकारी वकील कार्यालयले प्रहरीको रायको आधारमा अभियोग–पत्र तयार गरि रामेछाप जिल्ला अदालतमा पेश गरेको थियो ।
सरकारी वकील कार्यालयले गरेको मागदावीको आधारमा रामेछाप जिल्ला अदालतले अध्यक्ष खड्कालाई पुर्पक्षका लागि कारागार कार्यालय रामेछाप जेल चलान गरेको थियो । पछि अध्यक्ष खड्काले रामेछाप जिल्ला अदालतले गरेको निर्णय आफुलाई चित्त नबुझेको भन्दै रामेछाप जिल्ला अदालत विरुद्ध उच्च अदालतमा पेश गरेका थिए । खड्काले उच्च अदालतमा पेश गरेको कागजातको आधारमा उच्च अदालते तत्काल अध्यक्ष खड्कालाई तारेखमा छाड्न आदेश दिएसँगै रामेछाप कारागारवाट ४ महिनापछि उनी रिहा भएका थिए ।
अध्यक्ष खड्का कारागारवाट रिहा भएसँगै उनले लिखु तामाकोशी गाउँपालिकाको अध्यक्षको भुमिका निर्वाहा गर्दै नागरिकहरुको सेवामा अहोरात्र खटेर काम गर्दै आफु विरुद्ध परेको मुद्धाका बिषयमा पनि लड्दै आएका थिए । अध्यक्ष खड्का माथि परेको झुटो मुद्धाको बिषयमा सम्मानित रामेछाप जिल्ला अदालतले ढिलै भएपनि न्याय दिलाएको महसुस भएको नेपाल वार रामेछापका अधिवक्ता यादव प्रसाद दाहालले बताए ।
