रामेछाप । गोकुलगंगा गाउँपालिका वडा नम्बर ६ फर्पुमा दोस्रो वडा अध्यक्ष कप मङ्गलवार बाट सुरु भएको छ । मङ्गलवार बाट सुरु भएको दोस्रो वडा अध्यक्ष कप मङ्गलवार हावाहुरी र पानीको कारण स्थगित भएको थियो ।
बुधवार आज तिन खेल भएको छ । दुई खेलमा एक खेल भने बराबरीमा सकिएको छ । आज भएको खेलमा लिखु भुजी रामेछापले सृजना युनाइटेड बि लाई ११–० मा सीमित राख्यो । सृजना युनाइटेड ए र युनाइटेड रस्नालु बिच भएको खेल भने ३ बराबरीमा सकिएको छ । त्यस्तै गरी ए बिसी मन्थली र नमाडी बिच भएको खेलमा ए बिसी मन्थलीले नामाडीलाई ९–० ले हराएको रेफ्रि यम बहादुर सुनुवारले जानकारी दिए ।
खेलमा जिल्ला भित्र र बाहिरको गरी १२ टिम सहभागी भएको वडा अध्यक्ष चन्द्र सुनुवारले जानकारी दिए । खेललाई मर्यादित र व्यवस्थित ढङ्गले रेफ्रिहरु यम बहादुर सुनुवार, उज्ज्वल लिम्बु, उत्तर कुमार सुनुवारले सञ्चालन गरिरहेको समेत वडा अध्यक्ष सुनुवारले जानकारी दिए ।
