मंसिर १९,रामेछाप
दोरम्बामा एमाले अध्यक्ष सहित तिन दर्जन नेकपाका नेता तथा कार्यकर्ता नेकपाको सरकारको विरोध गर्दै कांग्रेसमा प्रबेश
मंसिर १९,रामेछाप
रामेछापको दोरम्बा गाउँपालिका वडा नम्बर ६ लखनपुरमा नेकपाका ३६ जना नेता तथा कार्यकता पार्टी परित्याग गरी नेपाली कांग्रेसमा प्रबेश गरेको छ ।
पार्टी प्रबेश गर्ने क्रममा उनिहरुले नेकपाको दुई तिहाइको सरकारले हत्या हिंसा र भ्रष्टचारको नेतृत्व गरेको भन्दै आक्रोश पोखेका थिए । निर्वाचनको समयमा नेकपाले सरकार बनाएको खण्डमा देशले ठुलो उन्नती गर्ने देशमा हत्या हिंसा र भ्रष्टचारको अन्त्य गरी देशको मुहार परिवर्तन गर्ने अपेक्षा सहित आफुहरुले आफ्नो ज्यान माया मारेर नेकपालाई सहयोग गरेको बताए । अहिले संघिय सरकार देखी स्थानिय सरकार आफैले हत्या हिंसा र भ्रष्टचारको नेतृत्व गरेको उनीहरुले आरोप लगाएका छन् ।
पार्टी प्रबेश कार्यक्रममा तत्कालीन एमालेको तर्फ बाट आफु ३ पटक उपाअध्यक्ष हुदै गाउँ कमिटीको अध्यक्ष समेत भएर आफुले तत्कालीन एमालेको नेतृत्व गरेको भएता पनी अहिले आफु नेकपाको कार्यकर्ता भनेर परिचय दिन समेत अफ्ठेरो भएका ठाकुर प्रसाद गौतमले बताए ।
दोरम्बा गाउँपालिका वडा नम्बर ६ सल्लेरीमा दोरम्बा गाउँपालिका वडा नम्बर ६ का नेपाली कांग्रेसका इकाई सभापती डम्बर बहादुर तमाङ्गको अध्यक्षतामा भएको पार्टी प्रबेश कार्यक्रममा बोल्दै नेपाली काग्रेसका पुर्ब पार्टी सभापती रामचन्द्र खड्काले नेकपाको दुई तिहाईको सरकार विश्वकै भ्रस्टचारको सुचिमा रहेको भन्दै अब सबै नागरिकले सरकारको कार्य सैलीको विरोध गर्ने समय आएको बताउनु भयो ।
कांग्रेस नेता खड्काले अहिलेको सरकारले निर्मला हत्या काण्ड, महरा काण्डले बलत्कारीको संरक्षण गरेको, बालुवाटार जग्गा प्रकरणले भ्रष्टचार,र नेपाली कांग्रेसका वरिष्ठ नेता तथा पुर्व सभामुख रामचन्द्र पौडेललाई विना कारण प्रहरीले नियन्त्रणमा लिनुले देशमा हिंसा वढाउन सरकार लागी परेको आफैले पुष्टि गरेको बताउनु भयो ।
पार्टी प्रबेश कार्यक्रममा नेपाली काग्रेसका जिल्ला उपसभापती जितेन्द्र मोक्तान, नेपाली कांग्रेसका महाधिबेसन प्रतिनिधी भरत चौलागाई, पुर्ब महाधीबेसन प्रतिनिधी विष्णु थापामगर, नेपाली कांग्रेसको तर्फ बाट रामेछापको प्रदेश ख,का उमेरद्धवार जित बहादुर मगर , दोरम्बा गाउँपालीकाका नेपाली कांग्रेसका सचिब लाल बहादुर थापामगर , नेपाली कांग्रेसका आमन्त्रीत सदस्य नवराज गौतम, टेक प्रसाद गौतम , दिपक सापकोटा लगाएतले नव प्रबेशी नेकपाका नेता कार्यक्रताहरुलाई नेपाली काग्रेसमा स्वागत गदै सरकारको विरोध गरेका थिए ।
