मन्थली–दोलखाको विगु गाउँपालिका–६ आलम्पुमा ट्याक्टर दुर्घटनामा परी एक जनाको मृत्यु भएको छ । आलम्पुबाट ढुंगाखानी तर्फ जाँदै गरेको प्रदेश १–०१००१ त ८८७२ नम्बरको ट्याक्टर दुर्घटना हुँदा ट्याक्टरमा सवार विगु गाउँपालिका–६ का ५५ वर्षीय मकर थामीको घटनास्थलमा नै मृत्यु भएको हो ।
वडा नम्बर ६ को कच्ची सडक खण्डमा आलम्पुबाट ढुंगाखानी तर्फ जाँदै गरेको खाली ट्याक्टर आफैं अनियन्त्रित भई सडकबाट करिब १५ मिटर तल खसेर दुर्घटना भएको जिल्ला प्रहरी कार्यालय दोलखाले जनाएको छ ।
सो घटनामा ३५ वर्षीय कुबेर थामी, ५७ वर्षीय पल बहादुर थामी र १५ वर्षीय आशिष थामी घाइते भएका छन् । घाइतेहरूलाई उपचारका लागि सिंगटी पठाइएको प्रहरीले जनाएको छ ।
पौंस २६ बाट चरिकोटमा शहीद प्रधानको स्मृतिमा प्रदेश स्तरीय भलिवल प्रतियोगिता हुने
काठमाडौँ – शहीद हेमन्त प्रधानको स्मृतिमा नेपाली काँग्रेस दोलखा प्रदेश ‘क’ ले प्रदेश स्तरीय खुला भलिवल प्रतियोगिता आयोजना गर्ने भएको छ ।‘स्वास्थ्यका लागि खेलकुद राष्ट्रका लागि खेलकुद’ भन्ने नारा सहित आगामी पौस २६ गतेबाट सुरु हुने प्रतियोगितामा बागमती प्रदेशका १३...
