मेरो प्रदेश डेक्स
मन्थली, भाद्र ११
लामोसाँघु–जिरी सडकखण्ड अन्तर्गत दोलखाको भीमेश्वर नगरपालिका–६, रमितेडाँडामा गएराति भएको दुर्घटनामा दुई जनाको ज्यान गएको छ ।
राति ९ देखि १० बजेको बीचमा दुई मोटरसाइकल ठोक्किँदा भीमेश्वर नगरपालिका–५ का २४ वर्षीय शिरिष बस्नेत र बैतेश्वर गाउँपालिका–३ का २६ वर्षीय श्यामबहादुर खत्री (सुजन) को ज्यान गएको हो ।
दुर्घटनामा गम्भीर घाइते भएका उनीहरूलाई उपचारका लागि च्छोरोल्पा अस्पताल पु¥याइए पनि केहि समयमै चिकित्सकले मृत घोषणा गरेको जिल्ला प्रहरी कार्यालय दोलखाका सूचना अधिकारी श्रीराम तिमल्सिनाले जानकारी दिए ।
बा ५३ प ८८९९ र बा.प्र.०२–०३४ प ३२४२ नम्बरका मोटरसाइकलहरू एकआपसमा ठोक्किएका थिए । अर्का मोटरसाइकल चालक बैतेश्वर गाउँपालिका–५ का २५ वर्षीय निर्मल खड्का सामान्य घाइते छन् र उनलाई प्रहरीले नियन्त्रणमा लिई अनुसन्धान गरिरहेको प्रहरीले जनाएको छ ।
भीमेश्वर नगरपालिका– ५ का पूर्व वडाध्यक्ष रामचन्द्र बस्नेतका छोरा शिरिष गौरीशंकर बहुमुखी क्याम्पसका स्ववियु सभापति थिए । श्याम चरिकोटको एक होटलमा कार्यरत थिए ।
