रामेछाप । दोलखा जिल्लाका पत्रकार रबिन्द्र गौतमलाई कोरोना भाइरस संक्रमण भए संगै अवस्था गम्भिर भएपछी उपचारको लागी लिकोप्टर मार्फत काठमाण्डौं लगिएको छ ।
कोराना संक्रमणका कारण स्वास्थ्यमा गम्भिर समस्या भए संगै आइतबार साझ सिम्रिक एयरको ढल् ब्व्श् को हेलिकोप्टर मार्फत उपचारका लागि काठमाण्डौं लगिएको पत्रकार माहासंघ दोलखाका अध्यक्ष दिपशंखर चौलागाईले बताए ।
स्वाश्प्रस्वासमा समस्या आएपछि गौतमलाई दिउँसो सदरमुकामस्थित चरिकोट अस्पतालमा लगिएको थियो । उनको चरिकोट अस्पतालमा एन्टिजेन परिक्षण गर्दा पोजेटिभ रिर्पोट देखाएको थियो । फोक्सोमा संक्रमण भईसकेका कारण आईसियु वा भेन्टिलेटरमा राखेर उपचार गर्नु पर्ने भएपछी चरिकोट अस्पतालले पत्रकार गौतमलाई तत्कालै काठमाण्डौं रिफर गरेको अध्यक्ष चौलागाईले जानकारी दिए ।
अध्यक्ष चौलागाईले तत्कालको लागी पत्रकार माहासंघ दोलखाले जिल्लामा उपचार गर्दा लागेको खर्च र हेलिकोप्टर खर्च नेपाल पत्रकार माहासंघ दोलखाको पत्रकारीता कोषबाट सहयोग गरेको जानकारी दिए ।
पारिवारिक श्रोतका अनुसार पत्रकार गौतमकी श्रीमतीलाई केही दिनअघि कोरोना सक्रमण पुष्टि भएको थियो । त्यस लगत्तै पत्रकार गौतम र उनकी छोरीको पिसिआर परिक्षण गरिएकोमा रिर्पोट नेगेटिभ आएको थियो । पत्रकार गौतम दोलखावाट प्रसारण हुने रेडियो भीमेस्वरको स्टेशन मेनेजर र अन्नपूर्ण पोष्ट दैनिकका दोलखा संवाददाता हुन् ।
