रामेछाप । स्थानीय सरकारले अवैधानीक रुपमा खानेपानी उपभोक्ता समिति बनाएर उपभोक्ताको अपमान गरेको भन्दै खाँडादेवी गाउँ पालिका वडा नं ४ र ५ का राजनैतिक दल तथा यहाँका उपभोक्ताहरुले उक्त समितिले सोमबार बोलाएको भेला बहिष्कार गरेका छन् ।
स्थानीय सरकारले १८ महिना अगाडि पुरानो समितिलाई भंग गरेर ६ महिनाको लागि बनाएको नयाँ समितिले बोलाएको भेला अवैधानिक भएकाले आफुहरुले बहिष्कार गरेको खाँडादेवी गाउँ पालिका वडा नं ५ नेपाली काँग्रेसका इकाइ सभापति बिराज श्रेष्ठले बताउनु भयो । पकरबास – भिरपानी पम्पिङ्ग खानेपानी तथा सरसफाइ उपभोक्ता समितिको स्किम नं १ मा लामो समयदेखी उपभोक्ता समिति निर्माणको विषयलाई लिएर विवाद हुदै आएको थियो ।
खानेपानी उपभोक्ता समितिका ७ सय जना उपभोक्ताहरुको अपमान गर्दै स्थानीय सरकारले आफ्ना नजिकका मानिसहरुलाइ राखेर जबरजस्ति समिति बनाएकाले उक्त समिति अपारदर्शी हुनुका साथै आर्थिक अनियमितता समेत भएको हुन सक्ने भएकाले आफुहरुले भेला बहिष्कार गर्नुका साथै तत्काल निर्वाचन वा सर्वसम्मत तरिकाले उपभोक्तहरुको उपस्थितीमा नयाँ समिति बनाउनका लागि माग गरेको खाँडादेवी गाउँ पालिका वडा नं ४ का नेपाली काँग्रेसका इकाइ सभापति हरि कार्कीले बताउनु भयो । आज बोलाएको भेला अवैधानिक भएकाले आफुहरुले यो समितिले गरेको सम्पूर्ण हिसाव किताव सार्वजनिक नगरेसम्म भेला बहिष्कार गर्ने नेकपा माओवादी केन्द्र खाँडादेवी ४ का अध्यक्ष रामकृष्ण मानन्धरले बताए ।
पौंस २६ बाट चरिकोटमा शहीद प्रधानको स्मृतिमा प्रदेश स्तरीय भलिवल प्रतियोगिता हुने
काठमाडौँ – शहीद हेमन्त प्रधानको स्मृतिमा नेपाली काँग्रेस दोलखा प्रदेश ‘क’ ले प्रदेश स्तरीय खुला भलिवल प्रतियोगिता आयोजना गर्ने भएको छ ।‘स्वास्थ्यका लागि खेलकुद राष्ट्रका लागि खेलकुद’ भन्ने नारा सहित आगामी पौस २६ गतेबाट सुरु हुने प्रतियोगितामा बागमती प्रदेशका १३...
