सिन्धुली । सिन्धुलीको तिनपाटन गाउँपालिका वडा नम्बर ५ डुम्रेबेशीमा धारीलो हतियार प्रहारबाट एकजना युवक घाइते भएको छ । तिनपाटन गाउँपालिका वडा नम्बर ५ डुम्रेबेसीका लोक बहादुर सार्किमाथि ४ जनाको अज्ञात समुहले धारीलो हतियार प्रहार गर्दा घाइते भएको हो ।
आइतबार दिउँसोको समयमा वडा नम्बर ४ र ५ को सिमाना थाक्लेमा सार्की माथि अज्ञात समुहले धारिलो हतियार प्रहार गरी फरार भएको जिल्ला प्रहरी कार्यालय सिन्धुलीका प्रहरी प्रबक्ता चिरन्जीबी दाहालले जानकारी दिए ।
लाइट स्ट्रोन (बल्ने ढुंगा) को विषयलाई लिएर सार्कीमाथि चक्कु प्रहार भएको हुनसक्ने स्थानियले अनुमान गरेका छन् । चक्कु प्रहार गर्ने आसंकामा ४ जनालाई प्रहरीले नियन्त्रणमा लिएको जनाएको छ । पक्राउ पर्नेमा विदुर लामिछाने, खड्गबहादुर श्रेष्ठ, विशाल विक र अर्काे एक जनालाई नियन्त्रण्मा लिएकोे प्रहरीले जनाएको छ ।
घाइते सार्की लाई स्थानियले उद्धार गरेर लाम्पनटार स्वास्थ्य चौकीमा पु¥याएका थिए । घाइतेको अबस्था सामान्य रहेको र घटनाको बिषयमा थप अनुसन्धान भइरहेको प्रबक्ता दाहालको भनाई छ