काठमाडौँ–चर्चित अभिनेत्री करिष्मा मानन्धरले आफू स्वतन्त्र बन्ने घोषणा गरेकी छन् । उनले फेसबुकमार्फत मंगलबार नेकपा एमाले परित्याग गरी स्वतन्त्र रहदैँ मात्र जनताको कलाकार हुने घोषणा गरेकी हुन् । नेकपा एमाले र कांग्रेसको गठबन्धन सरकार विरुद्ध जेनजी आन्दोलन चर्किरहेका बेला उनले राजनीतिप्रति वृतृष्णा व्यक्त गर्दै ओली नेतृत्वको एमाले छाड्ने जानकारी दिएकी छन् । कुनै समय फेसबुकमा नामै परिर्वतन गरी सूर्यकुमारी राखेर एमालेमा समर्थन जनाएकी थिइन् । उनले राजनीति छाडेर जनताको स्वतन्त्र कलाकारमा मात्र सीमित रहने फेसबुकमा लेखेकी छन् ।
उनी लेख्छिन्, ‘अहिलेसम्म कुनै राजनीतिक संस्थामा मेरो संलग्नता यी सबै मूल्य र प्राथमिकताको हितमा मात्र थियो । तर आजदेखि म कुनै राजनीतिक दल वा संगठनसँग आबद्ध नभएको कुरा स्पष्ट पार्न चाहन्छु ।’
अघि लेख्छिन्, ‘म जनताकै कलाकार थिएँ । जनताकै आवाज थिएँ । आगामी दिनमा पनि त्यही रुपमा रहिरहन चाहन्छु ।’
थुप्रै कलाकार र सेलिब्रेटीले जेनजी आन्दोलनको समर्थन गर्दै सहभागी भएका थिए ।
