दोलखा जिल्लाको बिगु गाउँपालिका–६ आलम्पुमा छिमेकीको ढुंगा प्रहारबाट एक वृद्धा गम्भीर घाइते भएकी छन्।शनिबार राति ५२ वर्षीय गोक्सुङ थामीले ढुंगा प्रहार गर्दा स्थानीय ७६ वर्षीया चन्द्रिमाया थामी गम्भीर घाइते भएकी हुन्। ढुंगा लागेर उनको टाउकोमा गहिरो चोट लागेको प्रहरीले जनाएको छ।जिल्ला प्रहरी कार्यालय दोलखाका अनुसार घाइते वृद्धाको अवस्था जटिल रहेको छ। स्थानीय स्तरमा प्राथमिक उपचारपछि उनलाई थप उपचारका लागि काठमाडौँ ल्याइएको छ। हाल उनको नेसनल अस्पताल, कलंकीस्थित सघन उपचार कक्ष (आईसीयू) मा उपचार भइरहेको छ।घटनामा संलग्न आरोपित गोक्सुङ थामीलाई प्रहरीले नियन्त्रणमा लिइसकेको छ। घटनाका सम्बन्धमा थप अनुसन्धान भइरहेको जिल्ला प्रहरी कार्यालयले जनाएको छ।
पौंस २६ बाट चरिकोटमा शहीद प्रधानको स्मृतिमा प्रदेश स्तरीय भलिवल प्रतियोगिता हुने
काठमाडौँ – शहीद हेमन्त प्रधानको स्मृतिमा नेपाली काँग्रेस दोलखा प्रदेश ‘क’ ले प्रदेश स्तरीय खुला भलिवल प्रतियोगिता आयोजना गर्ने भएको छ ।‘स्वास्थ्यका लागि खेलकुद राष्ट्रका लागि खेलकुद’ भन्ने नारा सहित आगामी पौस २६ गतेबाट सुरु हुने प्रतियोगितामा बागमती प्रदेशका १३...
