रामेछाप । मन्थली वचत तथा ऋण सहकारी संस्थाले बस्ति बस्तिमा पुगेर साधरण सभा सञ्चालन गरीरहेको छ । करिब १५ हजारको संख्यामा शेयर सदस्य रहेको सहकारी संस्थाल गाउँ गाउँमानै पुगेर आफनो साधारण सभा गर्न लागेको हो । संस्थाले आफना पदाधिकारीहरुको नेतृत्वमा ३ वटा टोली बनाएर सबै वडाका बस्तिहरुमा पुगेर छुट्टा छुट्टै साधारण सभा गरीरहेको छ ।
गत विहिबार बाट साधारण सभाको अभियान शुरु गरेको संस्थाले शनिबार सम्ममा भलुवाजोर,सुनारपानी,रामेछाप,नागदह विजुलिकोट,फुलासि,गेलु, चनुखु र पुराना गाउँमा पुगेर साधारण सभा सम्पन्न गरेको संस्थाका सचिब गोविन्द घिमिरेले जानकारी जानकारी दिए ।
संस्थाका शेयर सदस्य धेरै भएको र एकै ठाउँमा बसेर साधारण सभा गराउन असजिलो हुने र कानुनमा पनि सोहि ब्यवस्था भएकोले आफुहरुले बस्ती बस्तीमा पुगेर साधारण सभा गरि रहेको जानकारी दिए । साधारण सभा संस्थागत रुपमा भएका सबै निति, विधिको आधारमा भएको जानकारी गराए ।
मन्थली नगरपालीकाका १४ वटै वडा,रामेछाप नगरपालीकाका वडा नं ६,७,८ र ९ ,लिखु तामाकोशी गाउँपालिकाको वडा नं ३,४,५,र ७ तथा खाँडादेवी गाउँपालीकाको ४ र ५ मा कार्यक्षेत्र रहेको सहकारीले साधारण सभामा संस्थाको बार्षिक प्रगति र भावि कार्यक्रमका बारेमा जानकारी गराएको छ । कोभिड महामारीका विच पनि संस्थाले सबै खर्च कटाएर ५८ लाख १४ हजार ८ सय ६२ रुपैयाँ मुनाफा कमाउन सफल भएको छ ।
संस्थामा शेयर पुँजि ९ करोड ६ लाख ६८ हजार २ सय,बचत संकलन ८२ करोड ५० लाख ९५ हजार २ सय ३१ रुपैयाँ र ऋण लगानी ६४ करोड ३९ लाख २९हजार ७८ गरि कुल सम्पति ९८ करोड ७७ लाख ३९ हजार ३ सय ६० रुपैयाँ रहेको छ ।