रामेछाप । मन्थली नगरपालिकाका नव निर्बाचित नगर प्रमुख लब श्रेष्ठले मन्थली नगर सञ्चालनका लागि ब्रह्माकुमारी राजयोग सेवा केन्द्रको सल्लाह र सुझाब अपरिहार्य रहेको बताएका छन् ।
शनिबार ब्रह्माकुमारी राजयोग सेवा केन्द्र मन्थलीले आयोजना गरेको मन्थली नगरपालिकाका नव निर्बाचित जनप्रतिनिधिहरुलाई बधाई तथा शुभकामना कार्यक्रमका अबसरमा श्रेष्ठले सो कुरा बताएका हुन ।
नगरप्रमुख श्रेष्ठले आफु सँधै सेवा केन्द्रको सल्लाह र सुझावको अपेक्षा गर्ने भन्दै काम गर्ने शिलसिलामा आउने बिभिन्न किसिमका झमेला र चुनौतिको सामना गन राजयोग सेवा केन्द्रमा आएर योग र ध्यान गरेपछि सहज हुने अनुभव आफूले यस अघिनै लिइसकेको बताए ।
ब्रह्माकुमारी राजयोग सेवा केन्द्रकी प्रमुख सञ्चालिका ब्रह्माकुमारी बिष्णु दिदीको अध्यक्षता एबं नगर प्रमुख श्रेष्ठको प्रमुख आतिथ्यतामा सम्पन्न उक्त कार्यक्रमका अबसरमा शसस्त्र प्रहरी वलका प्रहरी नायव उपरीक्षक केशबराज प्याकुरेल, मन्थली माविका प्रअ टंक प्रसाद दाहाल, मन्थली सहिद स्मृति बहुमुखी क्याम्पसका क्याम्पस प्रमुख ब्रह्माकुमार डा. भरतकुमार श्रेष्ठ र नेपाल पत्रकार महासंघ रामेछापका अध्यक्ष बद्री नयाँघरे लगायतले आ आफ्नो मन्तब्य राख्दै नव नर्बाचित सम्पूर्ण जनप्रतिनिधिहरुलाई बधाई एबं शुभकामना ब्यक्त गर्दैै समृद्ध नगरका लागि नव निर्बाचित नगर प्रमुख र वडा अध्यक्षहरुले दलीय राजनीतिबाट माथि उठेर काम गर्नु पर्ने कुुरालाई जोड दिनुभयो दिए ।
सोही अवसरमा वडाअध्यक्षहरुको तर्फबाट मन्थली नगरपालिका वडा नं –७ का अध्यक्ष भुवनहरी प्रसाईले ब्रह्माकुमारी राजयोग केन्द्रले समाजमा सकारात्मक रुपान्तरणनको लागि पुर्याएको सेवाको चर्चा गर्दै सेवा केन्द्रप्रति आभार प्रकट गरे ।
सो अबसरमा नव निर्बाचित नगर प्रमुख श्रेष्ठ, वडा नं –१ का वडा अध्यक्ष होम प्रसाद पौडेल (रामहरी), वडा नं –३ का वडा अध्यक्ष कृष्णगोपाल थापा, वडा नं –५ का अध्यक्ष रबिन कार्र्की, वडा नं ७ का अध्यक्ष भुवनहरी प्रसाई, वडा नं –८ का अध्यक्ष गोपाल श्रेष्ठ, वडा नं –९ का अध्यक्ष गोकर्णराज आरण, वडा नं. १ का सदस्यहरु रामकुमार माझी र चन्द्र माझी लगाएतलाई सेवा केन्द्रकी प्रमुख संञ्चालिका ब्रह्माकुमारी बिष्णु दिदीले बधाई एबं सफल कार्यकालको शुभकामना ब्यक्त गर्दै इश्वरीय सौगात समेत प्रदान गरेका थिए ।
