काठमाण्डौं । प्रतिवन्धीत लागूऔषध ब्राउन सुगर ओसारपसारमा संलग्न भएको आरोपमा बिराटनगर स्थित प्रदेश १ वडा प्रहरी कार्यालय बिराटनगरमा कार्यरत प्रहरी हवल्दार अमरनाथ यादवलाई प्रक्राउ गरिएको हो ।
लागूऔषध नियन्त्रण ब्यूरो बिराटनगरवाट खटिएको प्रहरी टोलीले मंगलवार दिउँसो १२० मिलिग्राम खैरो हेरोइनसहित बिराटनगर महानगरपालिका वडा नं १५ का २० बर्षिय नजाम खानलाई प्रक्राउ गरेको थियो । अवैद्य कारोवार गर्दै आएका खानसँग प्रहरीले सोधपुछ गर्दा खानले प्रहरी हवल्दार यादवले ल्याउन लगाएको बयान दिएपछि प्रहरीको ब्युरो टोलीले प्रहरी हवल्दारलाई पनि नियन्त्रणमा लिएर थप अनुसन्धान अघि वढाएको छ ।
उनीहरुले भारतको जोगवनीवाट लागूऔषध खरिद गरी नेपाल भित्रयाउने कार्य गर्दै आएका थिए । प्रहरीले दुवैजनाई नियन्त्रणमा लिएर थप अनुसन्धान गरिरहेको जिल्ला प्रहरी कार्यालय मोरङका प्रहरी नायव उपरीक्षक दीपक श्रेष्ठले जानकारी दिए ।
