रामेछाप । प्रधानमन्त्री पुष्पकमल दाहाल प्रचण्डले रामेछापको दोरम्बा बलिदानको प्रतिक रहेको बताएका छन् । २० औं दोरम्बा हत्याकाण्ड स्मृति दिवसको अवसरमा आयोजना गरिएको श्रद्धाञ्जली सभालाई सम्बोधन गर्दै दोरम्बा बलिदानको प्रतिक रहेको बताएका हुन् । दोरम्बालाई देश बिदेशले बलिदानको रुपमा चिन्ने गरेको बताए ।
संयुक्त राष्ट्रसंघले पनि दोरम्बा हत्याकाण्डलाई एउटा भयानक अपराधिक हत्या काण्डको रुपमा लिएको बताएका छन् । त्यसकारण विश्वले दोरम्बालाई बिशेष हेर्ने गरेको बताए । अर्काे प्रसंगमा प्रधानमन्त्री दाहालले अहिले आफुले गठबन्धन सरकारको नेतृत्व गरि रहेको र सरकार शहिदले देखाएको मुल मार्गलाई आधार मान्दै शुसासन र भ्रष्टाचारको अन्त्यका लागि पनि उत्तिकै जिम्मेवार रहेको बताए ।
तत्कालीन विद्रोही माओवादी र सरकारबीच दाङको हापुरेमा वार्ता चलिरहेका बेला २०६० साल साउन ३२ गते रामेछापको दोरम्बामा माओवादी जनसरकार प्रमुख बाबुराम लामा सहित २१ जना सेनाको आक्रमणबाट मारिएका थिए । सोहि दिनको सम्झनामा प्रत्यक बर्ष साउन ३२ गते स्मृति दिवस मनाउने गरिन्छ ।
