रामेछाप । दोरम्बा सैलुङ गाउँपालिकामा एक युवकको भिर बाट लड्दा ज्यान गएको छ । दोरम्बा सैलुङ गाउँपालिका–४ दर्गा स्थित मामा घरबाट फर्कने क्रममा दोरम्बा सैलुङ गाउँपालिका–७ का २२ वर्षीय विशाल घतानीको भिरबाट लडेर ज्यान गएको जिल्ला प्रहरी कार्यालय रामेछापले जनाएको छ ।
मामा घरबाट फर्कने क्रममा दर्गा स्थित छिरिङ भिरबाट लडेर घतानीको फागुन २९ गते मङ्गलवार अपराह्न ४ बजे ज्यान गएको प्रहरीको भनाइ छ । प्रहरीका अनुसार घतानी भिरबाट अन्दाजी दुई सय मिटर तल लडेर चौँरी खोलाको बगरमा मृत अवस्थामा भेटिएका थिए । अहिले घटनाको थप अनुसन्धान भइरहेको जिल्ला प्रहरी कार्यालय रामेछापले जनाएको छ ।
