भीरकोटमा भासिएको सडक मर्मत: एकतर्फी सवारी आवागमन
मन्थली-पुष्पलाल राजमार्गअन्तर्गत दोलखा- रामेछाप जोड्ने भीरकोट कालीदहमा भासिएको सडक मर्मत गरी पुन: सञ्चालनमा ल्याइएको छ । करिब सय मिटर जति पहिले नै भासिएको सो सडक शुक्रबारदेखिको निरन्तर बर्षाका कारण झ्न जोखिमयुक्त बनेपछि सवारी आवागमन अवरुद्द भएको थियो । अहिले जिल्ला प्रशासन कार्यालय दोलखाको समन्वयमा सडक सम्याएपछि सबै प्रकारका सवारी साधन एकतर्फी आवतजावत गर्न सक्ने भएका हुन् ।
दाेलखाका प्रहरी प्रमुख ज्ञानकुमार महताेले सडक पूर्ण रूपमा दुईतर्फी सञ्चालनमा आउन अझै समय लाग्ने जानकारी दिदैँ वर्षाका कारण थप पहिरोको जोखिम कायमै रहेकोले सावधानी अपनाउन आग्रह गर्नु भयो । खाेटाङ, साेलुखुम्बु, ओखलढुंगा , सिन्धुली र रामेछाप लगायतका जिल्लाका सवारीसाधनले बैकल्पिक मार्गको रुपमा यहि मार्ग प्रयोग गर्न थालेका छन् । बाढी पहिरोले बीपी राजमार्ग अवरुद्ध बनेपछि सिन्धुली, रामेछाप र चरिकाेट हुँदै ती सवारिहरु राजधानी पुग्न थालेका हुन् ।
