तुलसीपुर । दाङ्गको तुलसीपुर उपमहानगरपालिकाको स्याउली बजार नजिकै भारतीय नम्बर प्लेटको कारमा मृत अवश्थामा भेटिएका तिनजना बालक तुलसीपुरकै रहेको प्रहरीले जनाएको छ । शनिबार साँझ स्याउली बजार नजिकै भारतीय नम्बर प्लेटको कारमा मृत अवस्थामा तिन जना बालकहरुको शब भेटेपछी खोजी गर्ने क्रममा तुलसीपुर उपमहानगरपालिका–६ बरुवाको रहेको पुष्टि भएको ईलाका प्रहरी कार्यालय तुलसीपुरका डिएसपी शिव बहादुर सिंहले जानकारी दिए ।
करिब एक बर्षदेखि घर अघि पार्किङ गरि राखेको आर जे ०१ सिसि ०८८५ नम्बरको भारतीय नम्बरको गाडीमा मृत भेटिएका बालक तुलसीपुर उपमहानगरपालिका–६ बरुवागाउँ निबासी भिम बहादुर परियारका ९ बर्षका छोरा सन्दिप परियार, सोही ठाउँका सन्तोष परियारका ७ बर्षका छोरा सुवर्ण परियार र कृष्ण परियारका ६ बर्षका छोरा करण परियार रहेको ईलाका प्रहरी कार्यालय तुलसीपुरले जानकारी दिए । मृत अवश्थामा भेटिएका बालकहरु बैशाख १६ गतेदेखि हराईरहेकोले प्रहरी र स्थानियको सहयोगमा खोजि गरिरहेको थियो आज यो अवस्थामा भिटियो भन्दै सन्तोष परियारले दुखः ब्यक्क्त गरे । प्रहरीले घटना सम्बन्धी सत्य तथ्य पत्ता लगाउन अनुसन्धानका लागि कुकुर सहित एक्सपट टोलीले अनुसन्धान गरिरहेको बताएको छ ।
