रामेछाप । अपाङ्ग सचेतन सेवा केन्द्र रामेछापले सञ्चालन गरेको ५ दिने धूप बनाउने तालिम सम्पन्न भएको । सामाजिक विकास मन्त्रालय बागमती प्रदेशको सहयोग सञ्चालित तालीमा ३० जनाको सहभागिता रहेको थियो । फागुन २४ गते देखी सञ्चालन भएको तालिममा रामेछाप नगरपालिका ७,८, ९ नम्बर वडाका फरक क्षमता भएका व्यक्तिहरूको सहभागिता रहेको थियो । सहभागीहरूले सिकेको सिपलाई अब निरन्तरता दिने बताएका छन् । तालिमले अपाङ्गता भएको व्यक्तिहरूमा आत्मबल बढाउन सहयोग गरेको बताउँदै आत्मनिर्भर बन्न सक्ने बताए ।
तालिममा सहभागीहरूलाई प्रमाणपत्र वितरण गर्दै रामेछाप नगरपालिकाका उपप्रमुख बालाकुमारी कार्कीले सहभागीहरूलाई सिकेको सिपलाई निरन्तरता दिन आग्रह गरेका छन् । उपप्रमुख कार्कीले तालिममा सहभागीहरूलाई समूह बनाएर काम गर्न आग्रह गरेका छन् । उपप्रमुख कार्कीले कार्यक्रमलाई सम्बोधन गर्दै भनिन्“ तपाईँहरू अहिले तिन वटा वडा बाट तालिममा सहभागी हुनुहुन्छ । त्यस मध्य एक जनाले एउटा वडाको नेतृत्व गर्नुस् र वडामा बनेका धूपहरू सङ्कलन गर्नुस् बजारमा बिक्री वितरण गर्नुस् बजारमा बिक्री नभएका धूप नगरपालिकाले खरिद गर्छ । नगरपालिकाले जिम्मेवारी लिन्छ । उत्पादन जति सकिन्छ धेरै उत्पादन गर्नुस् कार्कीले भनिन्” । साथै तिन वटा वडामा मन्त्रालयको सहयोगमा तालिम सञ्चालन भएको भन्दै अन्य वडामा नगरपालिकाले सञ्चालन गर्न सहयोग गर्नै प्रतिबद्धता व्यक्त गरे ।
सचेतना सेवा केन्द्रका अध्यक्ष बद्री नयाँघरेले तालिम मात्र नभएर अन्य जनचेतनाका कार्यक्रमहरू सञ्चालन गर्ने बताएका छन् । अपाङ्गता भएका व्यक्तिहरूले उत्पादन गरेको बाटेको धूप बनाउन बजारीकरणमा सहयोग गर्ने र आत्मनिर बनाउन सचेतना केन्द्र लागी पर्ने बताएका छन् । तालिममा सहभागीहरूलाई कच्चा पर्दाथ साथै कैचि प्याकिङ पलास्टीक समेत प्रमाण पत्रका साथमा सचेतना केन्द्रले उपलब्ध गराएको छ । तालिममा सिक्ने क्रममा तयार गरेको धूप नगरपालिकाले जिम्मा लिएको छ । उक्त धूपको रकमले सहभागीहरूलाई कच्चा पर्दाथ उपलब्ध गराउने समेत सचेतन सेवा केन्द्रले बताएको छ ।
