रामेछाप । बर्ष १३ की सुस्त मनस्थिती भएकी एक बालिकालाई जर्वजस्ती करणी गरेको अभियोगमा रामेछाप नगरपालिका–४ हिमगंगाका ६२ वर्षिय बृद्ध श्याम प्रसाद घिमिरेलाई प्रहरीले पक्राउ गरेको छ ।
बृद्ध घिमिरेले असार १ गते बालीकालाई ललाईफकाई आफ्नै घरमा ल्याएर पटक–पटक जर्वजस्ती करणी गरेका थिए । उनले बालीकालाई जर्वजस्ती करणी गरेपछि कसैलाई नभन्नु भनीस भने तलाई जे पनि हुन्छ भनी डर त्रास देखाएर उनले बालीकालाई छाडी दिएका थिए । घर पुगेकी बालीकाले बृद्ध घिमिरेले आफु माथि गरेको अत्याचारको बिषयमा घर परिवारका सदस्यहरुलाई बताएपछि परिवारका सदस्यहरुले घिमिरे बिरुद्ध प्रहरीमा जाहेरी दिएका थिए । पिडीत परिबारका सदस्यले दिएको जाहेरीको आधारमा प्रहरीले मुद्धा दर्ता गराएको हो ।
घटनापछि फरार रहेका बृद्ध घिमिरेलाई रामेछाप नगरपालिका–४ हिमगंगावाट प्रहरीको टोलीले पक्राउ गरी जिल्ला सदरमुकाम मन्थली ल्याएको छ । प्रहरीले रामेछाप जिल्ला अदालतवाट बालयौन दुरुपयोगको मुद्धामा एक हप्ताको लागि म्याद थप गरी हिरासतमा राखेर अनुसन्धान भइरहेको जिल्ला प्रहरी कार्यालय रामेछापका प्रहरी नायव उपरीक्षक राजकुमार थिङले जानकारी दिए ।
