काठमाडौं । बागमती प्रदेशमा नेपाली कांग्रेसको संसदीय दलको नेता बहादुरसिंह लामाले विश्वासको मत गुमाएका छन् । दलभित्रको बढ्दो असन्तुष्टि र गुटगत ध्रुवीकरणबीच लामाविरुद्ध दर्ता भएको अविश्वासको प्रस्तावमा २२ सांसद उभिँदा उनी अल्पमतमा परेका हुन् ।
कुल ३७ सदस्यीय संसदीय दलमा १५ सांसद मात्र लामाको पक्षमा उभिएपछि उनी नेता पदबाट हटेका हुन् । अविश्वास प्रस्तावमा मंगलबार मन्त्री श्यामबहादुर खड्का समेत राजीनामा दिएर विपक्षमा उभिएपछि प्रस्तावको पक्षमा मत थपिएको हो ।
कांग्रेस केन्द्रको आन्तरिक गुटबन्दीको प्रभाव सिधै प्रदेश तहसम्म देखिएको छ । महामन्त्री गगन थापा निकट सांसदहरू लामाको विपक्षमा खुलेका छन् भने सभापति शेरबहादुर देउवा र नेता प्रकाशमान सिंह पक्षका सांसदहरू भने दुईतिर विभाजित देखिए ।
शेखर कोइराला पक्षका सांसद रमेश महत र उत्तम जोशीले भने लामाको पक्षमा मत दिएका छन् । यसरी नेतृत्व गुमाउँदै लामाले दलभित्र गहिरो राजनीतिक संकट र शक्ति सन्तुलनको सन्देश पनि छाडेका छन् ।
लामाको पक्षमा उभिएका १५ सांसद:
१. बहादुरसिंह लामा
२. कुन्दनराज काफ्ले
३. उत्तम जोशी
४. लक्ष्मी श्रेष्ठ
५. रमेशकुमार महत
६. हरिप्रभा खड्गी
७. रामकुमार पहाडी
८. क्षत्रबहादुर बम्जन
९. गीता गुरुङ
१०. मसिना खड्का
११. तिर्थ लामा
१२. रामकृष्ण चित्रकार
१३. माया श्रेष्ठ
१४. गोविन्द लम्साल
१५. समिता खड्गी
विपक्षमा उभिएका २२ सांसद:
१. इन्द्रबहादुर बानियाँ
२. शिवराज अधिकारी
३. कञ्चनचन्द्र वादे
४. दिपेन्द्र श्रेष्ठ
५. पुकार महर्जन
६. बिनु रायमाझी पौडेल
७. यमुना देवी श्रेष्ठ
८. उर्मिला नेपाल केसी
९. शान्ता ढकाल
१०. प्रभात तामाङ
११. छिरीङ दोर्जे लामा
१२. मीना पराजुली
१३. याङकिला शेर्पा
१४. मीनकृष्ण महर्जन
१५. बिमल ठकुरी
१६. मदुकुमार श्रेष्ठ
१७. सुरजचन्द्र लामिछाने
१८. सुरेश श्रेष्ठ
१९. श्रीराम लामिछाने
२०. सुना परियार
२१. श्यामबहादुर खड्का
२२. कृष्णबहादुर तामाङ
अब नयाँ संसदीय दलको नेता चयन प्रक्रिया अघि बढ्ने तयारी भइरहेको छ । लामाको नेतृत्व गुमेपछि बागमती प्रदेश सरकारको सन्तुलनमा समेत नयाँ समीकरण बन्ने सम्भावना बलियो देखिएको छ ।
