रामेछाप । रामेछाप उद्योग वाणिज्य संघका निवर्तमान अध्यक्ष श्याम थापा उद्योग वाणिज्य महासंघ बागमती प्रदेशको कार्यकारिणी सदस्यमा निर्विरोध चयन भएका छन् । शनिवार भएको अधिवेशनले बागमती प्रदेशको कार्यकारिणी सदस्यमा रामेछापका थापालाई निर्विरोध चयन गरेको हो । अधिवेशनमा थापा सहित अन्य ४ जना सदस्य समेत निर्विरोध चयन भएका छन् । बागमती प्रदेशको कार्यकारिणी सदस्यमा पाँच जनाको मात्रै कोटा कायम गरिएकोमा ५ जनाको मात्रै उम्मेदवारी परेपछि स्वतः पाचै जना निर्विरोध चयन भएका हुन् ।
जिल्लामा वस्दा सधै आम व्यवसायीहरुको हकहित र संरक्षणको पक्षमा लागि पर्ने थापालाई जिल्लाका अधिकासं व्यवसायीहरुले बागमती प्रदेशको कार्यकारिणी सदस्यमा निर्विरोध चयन भएपछि सामाजिक सञ्जाल मार्फत बधाइ दिनेको होडबाजी नै चलेको छ । निर्विरोध चयन भएका सदस्य थापाले बागमती प्रदेशको कार्यकारिणी सदस्य पदमा पुग्न सहयोग गर्नुहुने सबैप्रति धन्यवाद दिदै खुशी व्यक्त गरेका छन् ।
