रामेछाप । बागेश्वरी अशलशासन क्लब (बास) को बुधवार मन्थलीमा भएको दोश्रो जिल्ला अधिवेशनले संचारकर्मी युवराज श्रेष्ठको अध्यक्षतामा नयाँ समिति गठन गरेको छ । अध्यक्ष पदमा निर्वाचित श्रेष्ठ रामेछापमा सक्रिय रुपमा पत्रकारीता क्षेत्रमा काम गर्दै आएका छन् ।
समितिको उपाध्यक्षमा एलिना लामा, सचिवमा यादव केसी, सस–सचिवमा मिलन विक र कोषाध्यक्षमा विपना थापा निर्विरोध निर्वाचित भएका हुन् । त्यसैगरी सोही भेलाले समितिका सदस्यहरुमा क्रमशः शुष्मा भण्डारी, सविना कार्की, निरमाया तोलाङ्गे, आरती खड्का, दिपा महत, अनिता थापामगर, सन्तोष खत्री र विमल पौडेललाई निर्विरोध सदस्य पदमा चुनिएका हुन् ।
कार्यक्रमका प्रमुख अतिथि एवं बागेश्वरी अशलशासन क्लवका केन्द्रीय अध्यक्ष रमेश सिटौलाले जिल्लामा हुने विभिन्न किसिमका अनियमितता, सरकारी कार्यालयहरुले प्रदान गर्ने सेवामा झन्झटीलो र विभिन्न निकायहरुमा हुने भ्रष्ट्राचारलाई रोक्न रामेछापमा गठित नयाँ समितिले भव्य र सभ्य रुपमा वकालत गर्न सक्ने सक्षम टिम गठन भएको भन्दै सबै नवगठित समितिका पदाधिकारीहरुलाई धन्यवाद समेत दिए ।
कार्यक्रम बागेश्वरी अशलशासन क्लब रामेछापका जिल्ला अध्यक्ष ज्ञानु श्रेष्ठको अध्यक्षता तथा प्रमुख अतिथि बासका केन्द्रिय अध्यक्ष रमेश सिटौलाको उपस्थितीमा भएको उक्त कार्यक्रममा जिल्ला स्थित विभिन्न सामाजिक संघसंस्थामा आवद्ध भएका व्यक्तिहरु, जिल्ला स्थित संचारकर्मीहरु लगाएतको ठूलो संख्यामा उपस्थिती रहेको थियो ।