रामेछाप । लिखुुतामाकोशी गाउँपालिका वडा नं–२ सैपुुमा रहेको अरुणोदय माध्यमिक विद्यालयको नवर्निमित विद्यालय भवनको उद्घाटन सोमवार एक कार्यक्रमका बिच बागमती प्रदेशका आर्थिक मामिला तथा योजना मन्त्री कैलाश ढुंगेलले गरेका छन् ।
अरुणोदय माध्यमिक विद्यालयको हाताभित्र निमार्ण भएको चार कोठे पक्की भवनको मन्त्री ढुगेलले उद्घाटन गरेका हुन् । भवन निमार्णको लागि कुल ७० लाख रुपैयाँको लागतमा निमार्ण भएको उक्त भवन निमार्ण भएसँगै विद्यालयमा अध्ययनरत बालबालिकाहरुको अध्ययनमा सहयोग पुुग्ने अरुणोदय माध्यमिक विद्यालयका प्रध्यानध्यापक सन्तोष पौडेलले जानकारी दिए ।
उक्त विद्यालयको भवन उद्घाटनको अवसर पारेर नग आउटको आधारमा छात्र भलिबल प्रतियोगीता पनि आजवाट शुरुवात भएको छ । भलिवल प्रतियोगीता २७ गतेसम्म चल्ने आयोजक संस्थाले जनाएको छ । विद्यालयले आयोजना गरेको उक्त प्रतियोगीतामा २ लाख भन्दा बढीको पुरस्कार राशी रहेको छ । भलिवल प्रतियोगीतामा रामेछापको अलावा छिमेकी जिल्ला ओखलढुुगांका केही सामुदायिक विद्यालयहरुको समेत सहभागीता रहेको छ ।
भलिबल प्रतियोगीतामा प्रथम हुने टिमलाई १ लाख, द्धितिय टिमलाई ५० हजार र तृतीय हुने टिमलाई ३० हजार नगद सहित शिल्ड, मेडल, प्रमाण–पत्र र सात्वना हुने टीमलाई १५ हजार नगद, मेडल र प्रमाण–पत्र प्रदान गरिने भएको छ । त्यस्तै प्रतियोगीतामा ब्लकर, सेटर, स्पाइकर, डिफेन्डर। सर्वर, वेष्ट प्लेयरका उत्कृष्ठ खेलाडीलाई पनि ५÷५ हजारका दरले नगद पुरस्कार प्रदान गरिने अरुणोदय माध्यमिक विद्यालयका खेल शिक्षक अनिष राउतले जानकारी दिए ।
उनले भने– प्रतियोगीतामा ९ जना खेलाडी, टिम कोच र खेल शिक्षक उपस्थित हुनुपर्ने प्रावधान राखिएको छ । भलिबल प्रतियोगीतामा कक्षा १२ सम्मका विद्यार्थी मात्र सहभागी हुने प्रावधान राखिएको छ । प्रतियोगीतामा सहभागी हुने विद्यालयले टिम दर्ता शुल्क बापत रु.५ हजार रुपैयाँ बुझाउनु पर्ने प्रावधान राखिएको थियो ।
