रामेछाप । जिल्ला सदरमुकाम मन्थलीमा अपाङ्गता भएका व्यक्तिहरूका लागी दुई दिने अभिमुखीकरण कार्यक्रम आइतबार देखी सुरु भएको छ । बागमती प्रदेश अन्त्रगतका ५ जिल्लाका अपाङ्गता भएका व्यक्तिहरूको कार्यक्रममा सहभागिता रहेको छ ।
सामाजिक विकास मन्त्रालयको सहयोगमा राष्ट्रिय अपाङ्ग महासङ्घ बागमती प्रदेश सरकारको समन्वयमा भएको कार्यक्रममा ५ जिल्ला बाट ३५ जना भन्दा बढीको सहभागिता रहेको छ ।
हिंसा प्रभावित अपाङ्गता भएका व्यक्तिहरूको उद्धार तथा पुनर्स्थापना सम्बन्धी दुई दिने अभिमुखीकरण कार्यक्रममा बोल्दै मन्थली नगरपालिकाका प्रमुख लव श्रेष्ठ रामेछाप नगरपालिकाका नगर प्रमुख लबश्री न्यौपानेले अपाङ्गता भएका व्यक्तिहरूलाई जिविको उपार्जनमा समस्या हुने गरेको भन्दै त्यस्ता व्यक्तिहरूको क्षमता विकासमा आफूहरू सहयोग गर्न तयार रहेको बताए । हिंसा प्रभावित अपाङ्गता भएका व्यक्तिहरूको उद्धार तथा पुन स्थापनाको लागी नगरपालिकाले काम गर्दै आएको र अबका दिनमा समेत काम गर्ने बताए ।
त्यस्तै गरी सामाजिक विकास मन्त्रालयका महाशाखा प्रमुख गोपाल प्रसाद कँडेलले मन्त्रालयले यस क्षेत्रमा ठुलो लगानी गरेको बताउँदै कार्यक्रमलाई प्रभावकारी रूपमा सञ्चालन गर्न आग्रह गरे । कार्यक्रममा सिन्धुली जिल्लाका जिल्ला समन्वय उपाध्यक्ष, मन्थली र रामेछाप नगरपालिकाका उपप्रमुख, पत्रकार महासङ्घ रामेछापका अध्यक्ष बद्री नयाँघरे लगायतले कार्यक्रमको बारेमा आफ्नो धारण राखे । कार्यक्रम अवधिभर हिंसा प्रभावित अपाङ्गता भएका व्यक्तिहरूको उद्धार तथा पुन स्थापनाको क्षेत्रमा सामाजिक विकास मन्त्रालयले गर्दै आएको अबको योजनाका विषयमा छलफल हुने राष्ट्रिय अपाङ्ग महासङ्घ बागमती प्रदेशका अध्यक्ष आश्विन लम्सालले बताए ।
