रामेछाप । गोकुलगंगा गाउँपालिकाले बिगतमा अनुदान रकम दिएको संघ सस्थाको अनुगमन गर्ने बताएका छन् । गाउँपालिकाको १२ औं गाउँसभा तथा हिउँदे अधिबेशन कार्यक्रममा बोल्दै गाउँपालिका अध्यक्ष दिनेश खड्काले गाउँपालिका बाट अनुदान रकम लिएका फर्म तथा संस्थाहरुको अनुगमन गर्ने बताएका हुन् । अनुगमनको क्रममा उदेश्य अनुरुप खर्च भए नभएको हेर्ने र यदि उदेश्य अनुरुप खर्च नभएको पाएको खण्डमा जरिवाना गर्ने बताउनु भएको छ ।
गाउँपालिका अध्यक्ष खड्काले अधिकांश संस्थाहरुले अनुदान रकम लिने र हिड्ने गरेको गाउँपालिकामा गुनासो आउने गरेको भन्दै कडाईका साथ अनुगमन गर्ने र उदेश्य अनुरुप काम गरेको संस्था तथा फमहरुलाई पुरुस्कृत गर्ने तर उदेश्य अनुरुप काम नभएको पाए दण्ड जरिवानाको ब्यवस्था गर्ने बताउनु भएको हो । गाउँपालिकाले बिगतका बर्षहरुमा बिभिन्न ब्यपार ब्यवसायीहरु र कृषि तथा पशुपालनमा करडौं रकम अनुदानको रुपमा बितरण गरेको थियो ।
