रामेछाप । जिल्ला सदरमुकाम मन्थलीमा रहेको अम्बरआदर्श बचत तथा ऋण सहकारीको २१ औं साधरण सभा सम्पन्न भएको छ । २१ बर्ष अघि सानो लगानिमा सिमित ब्यक्तिहरुले शुरुगरेको संस्था केहि बर्ष देखी सक्रिय रुपमा अघि बढेको छ । संस्थाले यस आर्थिक बर्षमा ५ लाख ६५ हजार ४ सय २५ नाफा कमाउन सफल भएको छ । सहकारीले साबिक रामेछाप गाविस र सदरमुकाम आसपास कार्यक्षेत्र बनाएर काम गरेको छ । आफ्ना सेयर सदस्यहरुको सामाजिक र आर्थिक अवस्था सुधार गर्न सहकारीले बिभिन्न खाले योजनाहरु अघि सारेका छन् ।
सहकारीका अध्यक्ष कृष्ण थापाको अध्यक्षतामा भएको २१ औं साधारण सभाको उद्घाटन कार्यक्रमा सम्बोधन गर्दै कार्यक्रमका प्रमुख अतिथि समेत रहेका रामेछाप नगरपालिकाका नगरप्रमुख लबश्री न्यौपानेले सहकारीले उत्पादन क्षेत्रमा बिशेष ध्यान दिनुपर्ने बताउनु भयो । सकहारीको काम पैसा संकलन गर्ने र ऋण दिने मात्र काम गरेको भन्दै अब उत्पादन संग जोडिएर काम गर्न पर्ने बताउनु भयो । सहकारीले साना ब्यपारी र सर्वसाधरण नागरीकको जिवनस्तर उकास्न ठुलो सहयो पुर्याउन सक्ने भन्दै उदेश्य अनुरुप काम गर्न आग्रह पनि गर्नु भयो । नागरिक सग बचत संकलन गर्न संगै बचत गर्ने बानि गराउन पनि सहकारीले महत्वपुर्ण भुमिका खेलेको बताउनु भयो ।
