रामेछाप । नेकपा प्रचण्ड–माधब समुह निकट अखिल नेपाल महिला संघ रामेछापले आइतवार मन्थलीमा प्रतिनिधिसभा विघटनको विरुद्ध विरोध प्रर्दशन गरेका छन् ।
प्रतिनिधि सभा विघटनको विरुद्ध नेकपा प्रचण्ड–माधब नेपाल समुहको अखिल नेपाल महिलासंघ केन्द्रले निर्धारण गरेको कार्यक्रम अनुसार सदरमुकाम मन्थलीमा अनेमसंघले विरोध कार्यक्रम प्रदर्शन गरेको हो । प्रर्दशन कार्यक्रममा सहभागी भएका महिला नेताहरुले देशका विभिन्न स्थानहरुमा भइरहेका हत्या हिंसा र बलात्कारको घटना रोक्न सरकारसँग माग गरेका छन् ।
बिरोध सभामा बोल्दै संविधानसभा सदस्य लक्ष्मी गुरुङ्गले अहिलेको केपी शर्मा ओलीको सरकारले असंवैधानिक रुपमा प्रतिनिधिसभा विघटन गरेर उनले आफ्नो दम्भ देखाएपनि यसलाई सडक आन्दोलनको बलवाट नै विघटन गरिएको प्रतिनिधिसभा पुर्नस्थापना गरेर छाड्ने संविधानसभा सदस्य गुरुङ्गले वताइन ।
उनले देशका विभिन्न स्थानहरुमा दैनिक रुपमा महिला हिसां, बलात्कार जस्ता गम्भिर घटनाहरु भइरहदा समेत अहिलेको सरकारले मजबुत रुपमा शान्तिसुरक्षा कायम गर्न नसकेको आरोप समेत लगाइन । बिरोध सभा कार्यक्रममा सुनापति गाउँपालिकाकी उपाध्यक्ष गिता बिष्ट, लिखु तामाकोशी गाउँपालिकाकी उपाध्यक्ष दिपशिखा दाहाल, खाँडादेवी गाउँपालिकाकी उपाध्यक्ष मखमली श्रेष्ठ लगाएतको उपस्थिती रहेको थियो । त्यसैगरी सो कार्यक्रममा प्रचण्ड–माधब नेपाल समुहका महिला नेता तथा कार्यक्रर्ताहरुको समेत उपस्थिती रहेको थियो ।
