रामेछाप । नेकपा एमालेका बागमति प्रदेशका सदस्य एबं खाँडादेवी गाउँपालीकाका अध्यक्ष प्रेम तामाङ्गले नेकपा एमाले पार्टी परित्याग गरी नेकपा समाजबादीमा समाहित भएका छन् । तामाङ्ग २०७४ सालकाे स्थानिय तह निर्वाचनमा नेकपा एमालेवाट पालिका अध्यक्ष पदमा निर्वाचित भएका थिए ।
अध्यक्ष तामाङले शनिवार आफनै निजि निवासमा उनले पत्रकार सम्मेलन गरि आजकै मिति देखि आफुले विधिबत रुपमा नेकपा एमाले पार्टिको साधारण सदस्यता समेत नरहने गरी पार्टी परित्याग गरेको बताए । पार्टी परित्याग घोषणा कार्यक्रममा सहभागी भएका पत्रकाहरुसँग उनले आफुले विगतको ३ दशक नेपालको कम्युनिष्ट आन्दोलनमा सहभागीता जनाएको, २८ बर्ष देखि अनबरत रुपमा एमाले पार्टीमा बसेर काम गर्दे आएको भएता पनि पछिल्लो समय एमाले पार्टीभित्र चरम ब्यक्तिबादी, स्वेच्छाचारी, गुटगत संर्किणता,स्वेच्छचारिता, सर्बसत्ताबादीसोच, अधिनायकबादी कार्यशैली र षडयन्त्रकारी आचरण बढ्दै गएपछि कार्यकर्तामा आएकोे विचलन बढ्दै जाँदा एमाले पार्टी छोड्ने कार्यकर्ताहरुको संख्या बढ्ने पनि उनले बताए ।
तामाङले पार्टी परित्यागको घोषणा कार्यक्रममा पे्रष विज्ञप्ती समेत निकालेका छन् । उनले बिगत ५ बर्ष पालीकाको अध्यक्ष रहँदा आफुले जिल्लामा मात्र नभएर प्रदेश अनि देशभरिका पालिकाहरु मध्ये खाँडादेवी गाउँपालिकालाई उल्लेखनिय र नमुना अनि शुसासनमुखि पालीकाको रुपमा स्थापित गराएको दावि समेत गरेका छन् । मेरो कार्यकालमा मैले गरेको जनमुखी कामबाट विपक्ष मात्र नभएर आफनै पार्टीका अग्रज भनाउँदा नेताहरु समेत अतालिएको आरोप पनि लगाएका छन् ।
मैले पालिकाको अध्यक्षमा रहँदा जनताको कामलाई प्रभाबकारी रुपमा काम गर्दै आएकोमा आफ्नै पार्टीभित्रका अग्रज नेता हुँ भन्दै दम्भ देखाएर हिड्नेहरुले रीस गर्ने र पटकपटक काममा तगारो बन्दै काम गर्न समस्या पार्दै आएको समेत अध्यक्ष तामाङले निकालेको बिज्ञप्तीमा उल्लेख छ । उनले पार्टी त्याग गरेको विषयलाई कसैलाई पदलोलुपता भन्ने नठान्न आग्रह पनि गरेका छन् ।
सो क्रममा उनले नेकपा एसबाट यहीँ बैशाख ३० गते हुने स्थानिय तहको निर्वाचनमा सहभागि हुने कुरा नबताए पनि एमालेले उक्त पालिकामा उनलाई टिकट नदिएपछि आसन्न निर्वाचनमा नेकपा एसबाट पालिकाको अध्यक्ष पदमा लड्नको लागि पार्टी छाडेको अनुमान सबैले गरेका छन् । उनको पत्रकार सम्मेलनमा नेकपा एसका पोलिटब्युरो सदस्य देबशंकर पौडेल नेताहरु होम बुढाथोकी, झम्क कडेल लगायतका नेता तथा कार्यकर्ताहरुको समेत उपस्थिति रहेको थियो ।
नेता तामाङ सँगै नेकपा एमालेका खाँडादेवीका पार्टी सचिब मोतिलाला तामाड, जिल्ला सदस्य एबं खाँडादेवी गाउँपालीका वडा नं–७ का वडाअध्यक्ष असल सिह तामाड, वडा नं–७ का पार्टि सचिब धनराज तामाङ्ग, जिल्ला नेता शेरबहादुर तामाङ्ग लगायतले पनि एमालेको जिल्ला नेतृत्वको ब्यवहारलाई साँढे गोरुको संज्ञा दिंदै आजबाटै एमाले पार्टिको साधारण सदस्य समेत नरहने गरी पार्टी त्याग गरेको घोषणा गरेका छन् । त्ययैसैगरि नेकपा एमाले बाट निर्वाचित लिखु तामाकोशी गाउँपालीका ५ का वडा सदस्य अम्बर बहादुर खड्काले पनि शनिवार नै नेकपा एमाले पार्टी परित्याग गरी नेकपा एसमा समाहित भएका छन् ।
