हेटौडा । हेटौँडामा अचेत अवस्थामा फेला परेको युवकको उपचारको क्रममा मृत्यु भएको छ । हेटौँडा उपमहानगरपालिका वडा नम्बर ६ सापकोटा टोलमा अचेत अवस्थामा भेटिएका युवकको उपचारको क्रममा मृत्यु भएको हो ।
हेटौँडा उपमहानगरपालिका वडा नम्बर ६ चौगडा बस्ने अन्दाजी ३० वर्षीय पूर्णबहादुर परियारको हेटौँडा अस्पतालमा उपचारको क्रममा मृत्यु भएको बागमती प्रदेश प्रहरी कार्यालय हेटौँडाले जनाएको छ ।
प्रहरीका अनुसार, परियार शनिवार अचेत अवस्थामा भेटिएका थिए । प्रहरी चौकी चौघडाबाट खटिएको प्रहरीको टोली उद्धार गरी उपचारको लागि हेटौँडा अस्पताल पठाएकोमा उपचारको क्रममा मृत्यु भएको हो ।
