रामेछाप । रेडक्रस सोसाईटि रामेछाप शाखाले सबै पालिकामा विपद्मा परेकाहरुलाई मानविय सहयोग गर्ने मुख्य उद्देश्यका साथ अभियान चलाउने भएको छ । रेडक्रसले आज सदरमुकाम मन्थलीमा सरोकारवालाहरु संगको समन्वय बैठक गरि अभियानको बारेमा जानकारी गराएको हो ।
भुकम्प र कोभिडको समयमा पनि विभिन्न पालीका विद्यालय,पुलिस, प्रसासन र संचारकर्मिहरुलाई जन चेतना सहितको माक्स सेनिटाईजर विभिन्न स्वास्थ सामाग्रि समेत उपलब्ध गराएको थियो । हाल उसले स्थानिय सरकार संगको समन्वयमा मन्थल‘ी – १, रामेछाप– ८, खाँडादेवि –१, सुनापतिको गुन्सी,दोरम्बाको टोकरपुर,गोकुलगंगाको फर्पु,उमाकुण्डको प्रितिमा विपद पुर्व तयारीका काम गरीरहेको छ ।
विपद्मा परेकाहरुलाई मानविय सहयोग गर्ने मुख्य उद्देश्यका साथ स्थापना भएको रेडक्रसले लामो समयदेखि प्रकोपमा परेकाहरुलाई भाँडा वर्तन ,त्रीपाल,लता कपडा लगायतका सामाग्रि सहयोग गर्दे आएको छ । त्यस बाहेक उसले जिल्लाका सरोकारवाला निकायहरु संगको समन्वयमा दर्जनौ विपद् प्रति कार्ययोजनाका काम पनि गरि सकेको जानकारी जिल्ला संयोजक जय प्रकाश श्रेष्ठले जानकारी दिनु भयो ।
त्यस वाहेक उसले २०७२ सालमा गएको विनासकारी भुकम्पपछि उद्धार र राहतको काम संगै खानेपानीको समस्या भएका रामेछाप नगरपालीका ५ को रामपुर र मन्थली नगरपालीकाको वडा नं १ मा परियोजना मार्फत करिब आधा दर्जन खानेपानीको काम गरेको थियो । समन्वय बैठकमा तीन बर्ष पहिले रेडक्रसले आफुले निर्माण गरेको खानेपानीका योजनाको मर्मत र तिनका उपभोक्ताहरुका लागि एक घर एक धाराको कामलाई अगाडि बढाउने पनि समन्वय बैठकमा रेडक्रसले जानकारी गराएको छ ।
त्यसैगरि आगामि दिनमा जिल्लाको सबै पालीकामा पुगेर वास परियोजना अन्र्तगत आफना उपशाखा मार्फत विपद् पुर्व तयारीका काम,कोभिड पुर्व तयारी अन्र्तगतका चेतना अभिबुद्धि माक्स वितरण र त्यसको उचित प्रयोग गर्र्ने तरिका आयुसुलेसनकक्षको लागि थप सहयोग तथा खोप लगायतको सामाग्रि ढुवानी गर्ने लगायतका काम गर्ने जानकारी पनि सो अबासरमा गराईएको थियो ।
जिल्ला संयोजक जय प्रकाश श्रेष्ठको अध्यक्षता र जिल्ला समन्वय समितिका प्रमुख प्रेम खड्काको प्रमुख आतिथ्यतामा भएको उक्त कार्यक्रममा प्रजिअ दीपक पहाडी नेपाल पत्रकार महाँसंघका अध्यक्ष बद्री नयाँघरे रेडक्रसका कोषाध्ययक्ष दुर्गा बहादुर श्रेष्ठले रेडक्रसले अहिले सम्म जिल्लामा गरेको कामको सह्रना गर्दे गर्न लागेको नयाँ कामप्रति धन्यवाद दिएका थिए ।