रामेछाप । मन्थली नगरपालिका–१ घारी खहरेमा रहेको आयुर्वेदिक स्वास्थ्य केन्द्र मन्थली नगरपालिका–१ सानीमदौमा सार्न लागेको भन्दै मन्थलीका माझी समुदाय बिरोधमा उत्रियको छ । आयुर्वेदिक स्वास्थ्य केन्द्र बिसौ वर्ष देखि आफ्नो समुदायको बिचमा सञ्चालन हुदै आएको र हाल सिमित ब्यक्तिहरुको स्वार्थका कारण सार्न लागेको भन्दै उनीहरु बिरोधमा निस्किएका छन् । जिल्ला आयुर्वेद अस्पतालका लागि मन्थली नगरपालिकाले मन्थली न पा वडा नं १ को सानीमदौमा भोगाधिकारका लागि जग्गा उपलब्ध गराउने निर्णय गरेपछि मन्थलीका माझीहरु सिमित ब्यक्तिहरुको स्वार्थका कारण स्वास्थ्य केन्द्र सार्न लागेको भन्दै बिरोधमा निस्किएका हुन् । माझीहरुले उक्त स्थानमा आफुहरुले भवन निर्माण गर्न कुनै पनी अवस्थामा नदिने बताएका छन् । भोगाधिकारका लागि जग्गा घारी खहरे क्षेत्रमा पनी प्रशस्त भएकोले मदौमा लैजान नहुने उनीहरुले बताएका छन् ।
उनीहरुले बुधवार इन्द्र बहादुर माझीको संयोजकत्वमा ११ सदस्यीय संघर्ष समति गठन समेत गरेका छन् । समितिले बिसौ वर्ष देखि आफ्नो समुदायको बिच (घारी खहरे) मा सञ्चालनमा रहेकोे जिल्ला आयुर्वेद स्वास्थ्य केन्द्रको भवन निर्माणका लागि नगरपालिकाले उपलब्ध गराएको सानीमदौको जग्गामा भवन निर्माण कार्य गर्न नदिने बताएका छन् ।
संघर्ष समितिले भवन निर्मान हुन नदिने भन्दै वडा अध्यक्ष नारायण दाश श्रेष्ठ लाई भवन निर्माणका लागि आबश्यक पर्ने सिफारीस देखि अन्य सहयोग नगर्न आग्रह गर्दै ध्यानाकर्षण पत्र समेत बुझाएका छन् । उनीहरुले बरु हाल हाट लाग्दै आएको हाटे चौरीमा सो का लागि जग्गा उपलब्ध गराए आफु राजी हुने बताएका छन् ।
उक्त ध्यानाकर्षण पत्र बुझ्दै वडा नं –१ का वडाअध्यक्ष नारायण दाश श्रेष्ठले यस अघि जिल्ला आयुर्बेद स्वास्थ्य केन्द्र भवन निर्माणका लागि सानीमदौमा जग्गा उपलब्ध गराउने कार्यपालिकाको निर्णय प्रकृयामा आफु सहभागि नभएको र यसरी सहयोग नगर्न लिखित पत्र आएको ले आफुले वडाको तर्फबाट स्थानीयको माग अनुसार काम गर्ने बताएका छन् ।
जिल्ला आयुर्बेद अस्पताल ब्यवस्थापन समितिका निबर्तमान अध्यक्ष गोपाल श्रेष्ठले आयुर्वेद अस्पताललाई अस्पताल जस्तो वनाउने गरी आफुले काम गरेको बताएका छन् ।
अध्यक्ष श्रेष्ठले नगरपालिकामा पहल गर्दा सानीमदौ मा रहेको तार्केश्वर मन्दिर छेउमा करिब ६ रोपनी जग्गा भोगाधिकार का लागि नगर कार्यपालिकाले निर्णय गरेकोले उक्त स्थानमै भवन निर्माणको काम अघि बढेको भए पनी मन्थलीका माझीसमुदायले भवन निर्माण का लागि बिरोध गरेको कारण नगरपालिकाले जहाँ जग्गा उपलब्ध गराउछ त्यस स्थानमा भबन निर्माण गर्न आफु तयार रहेको बताएका छन् ।
उनले भने यस अघि सम्भाबित जग्गा खोजि गर्ने क्रममा आयुर्बेद स्वस्थ्य केन्द्र भन्दा अगाडि (हाल नगरपालिकाको ट्रस्ट भएको क्षेत्र)को जग्गा उपयोग गर्ने गरी आबश्यक पहल गर्दा त्यहाका स्थानीय बासीले बिरोध गरेपछि यतापटि गाइखुरा र उतापटि मदौ सम्म सार्बजनिक जग्गा खोज्दै जाँदा सानीमदौमा पर्याप्त जग्गा भेटिएको र सोहि अनुसार नगरपालिकालाई अनुरोध पश्चात भोगाधिकारको निर्णय गरिदिएको हुन सक्ने बताएका छन् ।